У Беларусі прыпыненыя прафілактычныя агляды, а бальніцы і паліклінікі пераходзяць на рэжым працы ў эпідэміялагічны перыяд
Прафілактычныя медагляды прыпыненыя ў Беларусі. Пра гэта гаворыцца ў загадзе Мінздароўя №1141 ад 21 верасня.
Выключэнне складаюць медыцынскія агляды, якія праводзяцца ў парадку, устаноўленым Інструкцыяй аб правядзенні абавязковых і пазачарговых медаглядаў працуючых, зацверджанай пастановай Мінздароўя №74 ад 29 ліпеня 2019 года, паведамляе БелТА
Правядзенне прафілактычных медыцынскіх аглядаў прыпыняецца да стабілізацыі эпідэміялагічнай сітуацыі па COVID-19. Згодна з дакументам прымаць рашэнне аб прыпыненні і (або) аднаўленні планавай шпіталізацыі у бальнічных арганізацыях будуць на месцах самастойна з улікам эпідэміялагічнай сітуацыі і магчымасцяў арганізацый аховы здароўя.
Паліклінікі і бальніцы пераходзяць на рэжым працы ў эпідэміялагічны перыяд, абумоўлены павышэннем захворвання інфекцыяй COVID-19 і ВРІ.
Што да РНПЦ, яны працягнуць працаваць у звычайным рэжыме з улікам профілю аказання спецыялізаванай медыцынскай дапамогі.
Як дадалі ў прэс-службе Міністэрства, тым жа загадам унесены змены ў правядзенне семінараў, канферэнцый, з'ездаў і інш.спецыялісты, якія прайшлі поўны курс вакцынацыі супраць інфекцыі COVID-19, могуць прымаць удзел у працы мерапрыемстваў у вочным рэжыме. Тыя ж спецыялісты, якія яшчэ не завяршылі курс вакцынацыі, будуць удзельнічаць у мерапрыемствах анлайн.
Цяпер чытаюць
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары