Навука і тэхналогіі

Новае слова ў перасоўванні па вадзе. Можа, праз колькі год будзеце так дабірацца на працу па Нёмане ці Прыпяці

Распрацоўшчыкі хочуць вывесці ў масавы ўжытак так званыя Foilboards — даслоўна, дошка з фольгі, але насамрэч сёрфінгавая дошка з падводным крылом. Многія ў ЗША ўжо катаюцца на іх на працу штодня — каму актуальна пераплываць Гудзон для гэтага. Яна бяспечная, можа быць з мачтай і маторам.

Як прыжыліся электрасамакаты на зямлі, гэтак жа, лічыць амерыканец Кай Лені, прыжывуцца і фойлборды на вадзе, піша The Wall Street Journal. 

Сёрфінгіст з чатырох гадоў, ураджэнец Гавайскіх выспаў, Кай прыязджае ў Нью-Ёрк на фойлбордзе і перакананы, што гэта найлепшы сродак для падарожжаў праз раку Гудзон, якую астатнія жыхары горада вымушаныя падоўгу пераадольваць на пароме.

Найменшы асабісты водны транспарт, фойлборд, складаецца з сёрфінгавай дошкі і падводнай мачты, да якой прымацаваны плаўнік з крылом, як у самалёта.

Прынцып працы гэтай дошкі такі: пры наборы хуткасці мачта падымае дошку на 30-60 см над паверхняй вады, і сёрфер рухаецца наперад, ловячы сілу хвалі, нават вельмі маленькай, пры мінімальным супраціўленні вады. Сёрфер кіруе дошкай пры дапамозе ціску ног. Некаторыя мадэлі прадугледжваюць і электраматоры на сонечнай батарэі.

Сёрфер Кай Лені марыць папулярызаваць фойлборд: з аднаго боку, гэта дазволіць разгрузіць дарогі, з іншага боку, гэта адзін з самых экалагічна чыстых відаў транспарту, з нулявым выкідам газаў.

У эру высокіх коштаў на газ, дошка можа сур’ёзна трансфармаваць гарадскую культуру і гарманічна ўпісацца ў наша звыклае жыццё. Кай сцвярджае, што ён можа развіваць хуткасць на сваёй дошцы да 64 км у гадзіну. Але пакуль перад распрацоўшчыкамі і папулярызатарамі фойла стаіць шмат перашкод.

Па-першае, кошт такой дошкі пакуль высокі — 14 тысяч даляраў. Хаця, як і любая тэхнічная рэч, з часам яна будзе станавіцца ўсё больш і больш даступнай.

Па-другое, мусяць быць пракладзеныя адмысловыя маршруты для рэгулярных падарожжаў на фойлбордах — каб сёрферы не сутыкаліся з караблямі і каб яны ведалі, дзе падзарадзіць сонечную батарэю пры патрэбе.

Па-трэцяе, важна прадумаць бяспеку кіроўцы — само падводнае крыло вострае і можа параніць у выпадку аварыі.

Неўзабаве дошку можна будзе залічыць да гарадскога транспарту па водных шляхах у такіх гарадах, як Нью-Ёрк і Стакгольм. Але галоўная задача — зрабіць фойлборд асноўным транспартным сродкам, на якім людзі будуць перасоўвацца між выспамі, напрыклад, на Гаваях.

Кампанія Кая Лені і яго брата нядаўна выпусціла электрафойл, які можа развіваць хуткасць да 48 км у гадзіну. Ён жывіцца ад такога ж літый-іоннага акумулятара, які выкарыстоўваюць у дронах. Дзеля эксперыменту, сёрфер праехаў на ім 88 км (адправіўшыся з англійскага берага, ён абагнуў выспу Уайт у праліве Ла-Манш і вярнуўся), у офісным касцюме і з заплечнікам — і нават не запырскаўся.

Праз пяць-дзесяць гадоў такія электрафойлы змогуць катаць па некалькі пасажыраў, і на іх яшчэ будзе воданепранікальнае месца для багажу.

Урэшце вада пакрывае 71% паверхні планеты — даўно пара пачаць перасоўвацца па ёй ды разгрузіць зямлю.

Амбіцыйны праект Джэфа Безаса: касмічная станцыя для турыстаў. Яна будзе параўнальная з МКС

Перспектыўная тэхналогія: гной на фермах будуць апрацоўваць плазменным зарадам

Каментары

Цяпер чытаюць

Ціханоўскі расказаў, што трэба было рабіць у жніўні 2020-га56

Ціханоўскі расказаў, што трэба было рабіць у жніўні 2020-га

Усе навіны →
Усе навіны

Чарга на польскай мяжы канчаткова рассмакталася2

Келаг: Украіне патрэбны новы «План Маршала»4

Не толькі «кітайцы». Якія бюджэтныя новыя аўто прапануе беларускі рынак8

Кіеў зазнаў масіраваную атаку дронамі і балістыкай

Непагадзь учора набедакурыла ў Магілёве2

Усе грошы экс-палітзняволенай Наталлі Дулінай сабралі за лічаныя гадзіны2

Барбі з цукровым дыябетам. Кампанія Mattel прэзентавала новую ляльку

«Лагістыка падводзіць». Калі беларусак пачнуць бясплатна прышчапляць ад віруса папіломы чалавека?

Балансы на картках трох банкаў адноўленыя

больш чытаных навін
больш лайканых навін

Ціханоўскі расказаў, што трэба было рабіць у жніўні 2020-га56

Ціханоўскі расказаў, што трэба было рабіць у жніўні 2020-га

Галоўнае
Усе навіны →

Заўвага:

 

 

 

 

Закрыць Паведаміць