Літоўская кантралёрка роўных магчымасцяў Бірутэ Сабатаўскайце сказала, што пасля нападу Расіі на Украіну ў яе службу сталі паступаць скаргі рускамоўных у сувязі з дыскрымінацыяй, піша delfi.lt.
Па словах Сабатаускайце, у ліку тых, хто звяртаўся, былі грамадзяне Украіны, Расіі і Беларусі.
«Як толькі пачалося ўварванне Расіі ва Украіну, сталі паступаць скаргі на неаказанне паслуг і адмову ў продажы тавараў рускамоўным, незалежна ад іх нацыянальнасці — у іх ліку былі ўкраінцы, беларусы і рускія», — сказала Сабатаўскайце.
Па яе словах, паступілі скаргі ў сувязі з булінгам у школах.
«Да нас паступілі сігналы ў сувязі з цкаваннем рускамоўных школьнікаў і абвінавачваннямі на іх адрас з-за вайны. Служба распачала адпаведныя крокі і заклікала Міністэрства навукі, адукацыі і спорту звярнуцца ва ўсё ўстановы. Мы таксама рыхтуем рэкамендацыі, як гаварыць з дзецьмі пра вайну, як казаць пра людзей розных нацыянальнасцяў, паколькі мы — грамадства, у якім гавораць на розных мовах, таму важна гарантаваць павагу да ўсіх людзей», — сказала кантралёрка.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары