Турцыя закрыла паветраную прастору для расійскіх самалётаў, якія накіроўваюцца ў Сірыю
Міністр замежных спраў Турцыі Меўлют Чавушаглу дадаў, што Анкара не ўдзельнічае ў санкцыях супраць Расіі, — піша ТАСС.
Турцыя закрыла сваю паветраную прастору для расійскіх вайсковых і грамадзянскіх самалётаў, якія накіроўваюцца ў Сірыю.
Пра гэта заявіў у суботу яе міністр замежных спраў Меўлют Чавушаглу турэцкім журналістам падчас турнэ ў краіны Лацінскай Амерыкі.
«Мы закрылі паветраную прастору для расійскіх вайсковых і нават грамадзянскіх самалётаў, якія накіроўваюцца ў Сірыю. Мы выдавалі [кожны раз] дазвол на тры месяцы. Дазвол сканчаецца ў красавіку. Наш прэзідэнт [Турцыі Рэджэп Таіп Эрдаган] гэта таксама паведаміў [прэзідэнту Расіі Уладзіміру] Пуціну. Пасля палёты былі прыпыненыя»,
— прыводзіць яго словы газета Sabah.
Паводле Чавушаглу, тым самым Турцыя «вядзе перамовы з РФ шляхам дыялогу, [імплементацыю] Канвенцыі Мантрэ, а таксама праз іншыя пытанні».
Турцыя не ўдзельнічае ў санкцыях супраць РФ.
«Мы з'яўляемся краінай, якая не ўдзельнічае ў санкцыях. Калі кампанія [з РФ] хоча весці бізнес, яна павінна выконваць нашы законы і нормы міжнароднага права»,
— цытуе кіраўніка МЗС рэспублікі газета.
У Анкары раней неаднаразова заяўлялі, што Турцыя не мае намеру далучацца да санкцый у дачыненні да РФ, каб не нанесці шкоду ўласнай эканоміцы і пакінуць адкрытым канал дыялогу з Масквой.
Цяпер чытаюць
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах1
Каментары