У Віцебску прысудзілі да 13 гадоў пазбаўлення волі былога студэнта Эдуарда Рабуха. Яго абвінавачвалі ў некалькіх злачынствах супраць палавой недатыкальнасці дзяцей адразу па 4 артыкулах Крымінальнага кодэкса, пішуць «Народныя навіны Віцебска».
Суд Кастрычніцкага раёна Віцебска на закрытым пасяджэнні 28 красавіка прысудзіў маладога віцябляніна да 13 гадоў пазбаўлення волі ў калоніі асаблівага рэжыму. Акрамя таго, ён павінен выплаціць штраф у 7400 рублёў. Таксама ў абвінавачанага канфіскавалі ў даход дзяржавы мабільны тэлефон «SAMSUNG Galaxy S20 Ultra 5G» і камп'ютар, прызнаныя сродкамі здзяйснення злачынстваў.
Пакуль прысуд не ўступіў у законную сілу і можа быць абскарджаны ды апратэставаны ва ўстаноўленым законам парадку.
«Народныя навіны Віцебска» раней пісалі, што, згодна з адкрытымі крыніцамі, падчас свайго жыцця на волі гэты жыхар Віцебска быў вельмі актыўным у грамадскім жыцці, пра яго нават некалькі разоў пісала газета «Беларусь сегодня».
Ён удзельнічаў у прафсаюзным жыцці свайго ВНУ, валанцёрыў на «Славянскім базары», хадзіў хроснымі хадамі па Віцебску і нават атрымаў грамату на алімпіядзе па духоўна-маральнай культуры «Русь Святая, захоўвай веру праваслаўную».
-
Карпянкоў абвінаваціў апазіцыю ў «раскладанні іміджу міліцыянера як абаронцы»
-
«За ноч мы страцілі ўсё». Трагедыя знішчыла 17 гадоў працы фермераў — згарэлі каровы з цялятамі
-
Былы ваеннапалонны Буткевіч: Беларускія турмы можна параўнаць з вельмі жорсткімі ўмовамі ўтрымання ўкраінскіх палонных у Расіі
Ціханоўская пра мужа: Увесь ягоны свет перакулены22
Каментары