Стала вядома, якая краіна перадасць Украіне процікарабельныя крылатыя ракеты «Гарпун». Гэта будзе Данія
Белы дом рэалізуе план разблакавання партоў Украіны. Амерыканцы накіроўваюць украінцам магутную супрацькарабельную зброю, якая дапаможа зняць расійскую блакаду ў Чорным моры, і збіраюцца гэта рабіць пры дапамозе Даніі. Сёння пра перадачу ракет праз датчан паведаміў міністр абароны ЗША Лойд Осцін.
Ракеты «Гарпун», якія мяркуецца перадаць, маюць далёкасць 250 км і імі можна знішчаць расійскія караблі.
У Расіі ў Чорным моры прыкладна 20 караблёў і падводных лодак. Вайсковы эксперт з Інстытута Гудзона Браян Кларк думае, што пастаўкі ад 12 да 24 супрацькарабельных ракет, аналагічных «Гарпун», будзе дастаткова для зняцця блакады ўкраінскіх партоў. Ён мяркуе, што Масква спалохаецца і адвядзе караблі.
У Пентагоне таксама паведамілі, што Чэхія перадала Украіне верталёты агнявой падтрымкі, танкі і ракетныя сістэмы, а Славенія — некалькі дзясяткаў танкаў Т-72 югаслаўскай іх мадыфікацыі.
Варта адзначыць, што гэта ўсё яшчэ вельмі асцярожная дапамога: гэта пераважна ўзбраенні ўзораў 30—40-гадовай даўніны. Тым не менш, «Гарпуны», як мяркуецца, змусяць расійскі флот адысці ад Адэсы на некалькі соцень кіламетраў.
Увогуле ж міністр абароны ЗША заявіў, што ўжо 20 краін абвясцілі пра новыя пакеты дапамогі ў галіне бяспекі для Украіны.
Цяпер чытаюць
Два сакрэты, дзякуючы якім адбылася кар'ера новага прэс-сакратара МЗС Руслана Варанкова5
Каментары