Казахстан зменіць экспартную назву сваёй нафты. Гэта звязана з санкцыямі супраць Расіі
Казахстан зменіць назву сваёй нафты, якая экспартуецца праз марскія парты Расіі, каб дыстанцыявацца ад расійскай нафты, якая трапіла пад санкцыі, паведаміла са спасылкай на крыніцы агенцтва Reuters.
«У сувязі з нядаўнімі значнымі геапалітычнымі зменамі і каб пазбегнуць іх негатыўнага ўплыву на экспарт казахстанскай нафты праз расійскія парты, з чэрвеня 2022 года прымяняецца наступная назва гатунку — KEBCO (Kazakhstan Export Blend Crude Oil)», — цытуе Reuters ліст казахстанскай кампаніі «СНПС-Актобемунайгаз».
Перайменаваньне пацвердзілі яшчэ чатыры крыніцы агенцтва ў нафтавых кампаніях краіны. Паводле іх, змены набудуць моц з панядзелка, 6 чэрвеня.
«Гэта неабходная мера, каб наша нафта не трапіла пад санкцыі, а ў яе назве выразна была ўказаная краіна паходжання ў дакументах. У адваротным выпадку ў нас будуць праблемы з адкрыццём акрэдытываў», — патлумачыла крыніца Reuters.
Каля 20% экспартаванай казахстанскай нафты ідзе транзітам праз расійскія марскія парты.
І хоць яна тэхнічна не падпадае пад заходнія санкцыі, гэтыя пастаўкі неаднаразова памылкова прымалі за расійскія, кажуць казахстанскія нафтатрэйдары.
Да ўвядзення санкцый нафту, вырабленую ў Казахстане, змешвалі з расійскай для атрымання стандартызаваных экспартных гатункаў — Расійскай экспартнай сумесі сырой нафты (REBCO/Urals) і Siberian Light.
Цяпер чытаюць
«Мы не ведалі Сяргея Ціханоўскага да сённяшняй прэс-канферэнцыі»3
Каментары