Свет11

Памерла Тэкля Юневіч — найстарэйшы чалавек нашага рэгіёна за ўсю гісторыю

Тэкля Юневіч пражыла 116 гадоў і 70 дзён. Яна нарадзілася на тэрыторыі ўкраінскай Галіччыны (сяло Крупскае цяперашняй Львоўскай вобласці), калі тая яшчэ ўваходзіла ў склад Аўстра-Венгерскай імперыі, жыла ў тым рэгіёне да канца Другой сусветнай вайны, а ў 1945 годзе выехала разам з сотнямі тысяч іншых этнічных палякаў з ужо СССР у сацыялістычную Польшчу. 

113-гадовая Тэкля Юневіч з прэм'ерам Польшчы Матэвушам Маравецкім 2 жніўня 2019 года. Фота: Вікіпедыя 

На вачах народжанай 10 чэрвеня 1906 года Тэклі Юневіч прайшлі абедзве сусветныя вайны, Польшча набывала і траціла незалежнасць, набываў моц і занепадаў камунізм, развальвалася савецкая імперыя і «ўставала з каленяў» Расія, развязваючы новую вайну з пагрозай перарастання ў Трэцюю сусветную. А гэта жанчына ўсё жыла.

У апошнія чатыры месяцы жыцця старэйшай за Тэклю Юневіч ва ўсім свеце была толькі францужанка Люсіль Рандон, народжаная 11 лютага 1904 года. А ўвогуле сярод тых, чый узрост абсалютна дакладна верыфікаваны на падставе арыгінальных дакументаў, яна была 21-я за ўсю гісторыю. Гэта абсалютны рэкорд доўгажыхарства сярод палякаў і тых, хто быў народжаны на тэрыторыі сучаснай Украіны. 

Усё пасляваеннае жыццё Тэкля Юневіч жыла ў горадзе Глівіцэ (той самы сумна вядомы калісьці нямецкі Гляйвіц, з правакацыйнай інсцэніроўкі ў якім пачалася Другая сусветная вайна) у Верхняй Сілезіі. Гэта былі тыя самыя «вернутыя землі», якія Польшча здабыла пасля вайны ад пераможанай Германіі як кампенсацыю за страчаныя тэрыторыі Заходняй Беларусі і Заходняй Украіны на ўсходзе. Яны і засяляліся ў асноўным вымушанымі перасяленцамі з гэтых земляў. У Глівіцах Юневіч і памерла.

Каментары1

  • Юзік са станцыі Крулеўшчына
    20.08.2022
    Памерла Тэкля Юневіч — найстарэйшы чалавек нашага рэгіёна за ўсю гісторыю


    Вы там, пэўна, з дубу рухнулі -- пісаць: "за ўсю гісторыю".  .... 

    Газета “Słowo”, Nr. 311 за 1938 год паведамляе:“120-гадовы выбаршчык у Глыбокім.Вільня. З Глыбокага паведамляюць, што ў дзень галасавання прыбылі на ўчастак да выбарчай камісіі ў Глыбокім з мэтай аддання сваіх галасоў двое найстарэйшых жыхароў Дзісненскага павету: 120-гадовы Францішак Зарэмба і 115-гадовы – Мікалай Шарабайка”. Пасля гэтых выбараў жыхар Глыбокага і паўстанец 1863 года Францішак Зарэмба пражыў яшчэ 2 гады, то бок 122 гады і памёр, як бальшавікі прыйшлі...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Васкрасенскі: Адкрываецца неба — і Алесь Бяляцкі адразу выходзіць19

Васкрасенскі: Адкрываецца неба — і Алесь Бяляцкі адразу выходзіць

Усе навіны →
Усе навіны

Колькі можна зарабіць на высяканні кустоў у Швецыі? Малады беларус падзяліўся досведам19

Памёр Мікола Люцко

Іван Краўцоў: Заявы Ціханоўскай выглядаюць крывадушнымі55

Выйшаў на волю былы старшыня яўрэйскай абшчыны ў Гродне

Трамп сказаў, што ЗША давядзецца зноў пастаўляць зброю Украіне. Пентагон адразу ж абвясціў, што ўжо пачынае пастаўкі5

«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад3

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года14

На вайне ва Украіне загінуў былы дырэктар двух аршанскіх заводаў15

Адзін укол — і слых вяртаецца. Навукоўцы зрабілі прарыў у лячэнні глухаты1

больш чытаных навін
больш лайканых навін

Васкрасенскі: Адкрываецца неба — і Алесь Бяляцкі адразу выходзіць19

Васкрасенскі: Адкрываецца неба — і Алесь Бяляцкі адразу выходзіць

Галоўнае
Усе навіны →

Заўвага:

 

 

 

 

Закрыць Паведаміць