Беларусь у мінулым годзе была найбуйнейшым у свеце пастаўшчыком альтэрнатыўнай ікры
Пра гэта паведамляе партал Worldstopexports, які спецыялізуецца на аналізе экспартных патокаў. «Асноўнымі пастаўшчыкамі альтэрнатыўнай ікры з'яўляюцца Беларусь, Японія, Кітай, Германія і Данія», — гаворыцца ў іх паведамленні.
Паводле звестак партала, Беларусь у 2021 годзе экспартавала ікры неасятровых рыб на $74,5 млн, што склала 19,2% ад агульнай сусветнай сумы экспарту гэтай прадукцыі.
У 2021 годзе сярэдняя сусветная цана за адзінку ікры, вырабленай з ікры неасятровых рыб, складала 13 559 даляраў за тону, «што складае ўсяго 7,4% ад сярэдняга сусветнага кошту за адзінку традыцыйнай асятровай ікры (183 391 даляраў за тону)».
Пры гэтым эксперты адзначылі, што сярэдняя цана на альтэрнатыўную ікру вырасла на 43,2% у параўнанні з паказчыкам у 9 466 даляраў за тону годам раней.
«Беларусь, найбуйнейшы экспарцёр ікры неасетравых рыб, у 2021 годзе атрымлівала адносна эканамічныя 7 048 даляраў за тону», — паведамляе партал.
Зрэшты, лідар у гэтай сферы Беларусь не першы год. Першай у свеце яна была і ў 2020 годзе, на яе долю прыпадала 20,2% усяго сусветнага экспарту гэтага прадукту. Але зарабілі тады на гэтым менш — 61,8 млн даляраў.
Каментары