Па ўсім свеце беларусы выйшлі на акцыі, прысвечаныя чарнобыльскай гадавіне ФОТЫ
У 37-ю гадавіну з дня аварыі на Чарнобыльскай АЭС па ўсім свеце беларуская дыяспара правяла розныя публічныя мерапрыемствы. Недзе яны адбыліся ў форме паўнавартасных Чарнобыльскіх шляхоў з шэсцямі, недзе прайшлі толькі мітынгі і пікеты. Найбольш маштабнае мерапрыемства было, бадай, у Вільні, але адзначыліся і іншыя гарады ды краіны.
Вільня
У Вільні на шэсце сабралася каля 250-300 чалавек, на Лукішскай плошчы перад сабранымі выступіла Святлана Ціханоўская.
Варшава
У Варшаве калона прайшла шэсцем ад помніка Мікалаю Каперніку па вуліцы Кракаўскае прадмесце ў кірунку помніка вучонай Марыі Складоўскай-Кюры на Рынку Новага Места.
Перад маршам прайшоў мітынг, дзе выступілі Міхал Камінскі, Аліна Коўшык, Павел Латушка, Віталь Рымашэўскі, Вячаслаў Сіўчык і ксёндз Вячаслаў Барок.
Гданьск
Берлін
Беларусы ў Берліне прайшлі маршам ад Галерэі Іст-Сайд да Boxhagener Platz.
«Мы кажам «НЕ» любой форме ядзернага шантажу! Расія і рэжым Лукашэнкі хочуць павярнуць Украіну, Еўропу і ўвесь свет назад у самыя змрочныя часы мінулага, калі страх, прыгнёт і дыктатура кіравалі жыццямі мільёнаў людзей», — адзначылі арганізатары акцыі.
Нью-Ёрк
У Нью-Ёрку беларусы сабраліся каля будынка ААН.
Батумі
У Батумі беларусы зладзілі сумесную акцыю з мясцовымі ўкраінцамі.
На акцыі выступілі прадстаўнікі беларускай і ўкраінскай дыяспар, удзельнікі ўзгадалі захоп Энергадара і размяшчэнне ядзернай зброі ў Беларусі.
Брусель
Цяпер чытаюць
Праца фізічнага офіса Ціханоўскай у Вільні часова прыпынена99
Каментары