Усяго патроху11

Пакуты Месаліны, або сэкс падчас чумы

Валерыя Месаліна, вядомая німфаманка сусветнай гісторыі, магла б мець сур’ёзныя праблемы, калі б жыла ў сёлетнюю восень. Піша Вольга Жарнасек.

Валерыя Месаліна, вядомая німфаманка сусветнай гісторыі, магла б мець сур’ёзныя праблемы, калі б жыла ў сёлетнюю восень.

Нягледзячы на тое, што некаторыя беларускія медыкі рэкамендуюць актыўна займацца сэксам падчас эпідэміі грыпу, многія беларусы проста панічна баяцца выконваць гэтую няхітрую параду эскулапаў. Тым больш, што самі медыкі сваіх парадаў не выконваюць.

Быў у мяне адзін знаёмы, студэнт старэйшых курсаў медуніверсітэта і прыхільнік даследаванняў нямецкіх дактароў.

А нямецкія дактары падчас эпідэміі грыпу вывелі наступную тэорыю: падчас грыпу трэба ад сэксу ўстрымацца!

Аўтар тэорыі прафесар Ханс Шэрар не адмовіў карыснага ўздзеяння сэксу на арганізм, але (!) адзначыў, што палавым шляхам заражэнне вірусам амаль напэўна адбываецца.

Самае цікавае, што прафесар Шэрар не забараніў цалавацца. Маўляў, падчас пацалункаў адбываецца менш актыўны працэс абмену вірусам, чым падчас непасрэднага палавога кантакту. Таму падчас эпідэміі — толькі пацалункі і болей «ні‑ні». Дык вось, мой знаёмы студэнт‑медык вырашыў апрабаваць «тэорыю ўстрымання» на практыцы. Дзяўчына ягоная, праўда, такога клопату пра здароўе не зразумела. Не ведаю, ці пакутавала яна на комплекс Месаліны, але пацалункі яўна не адпавядалі ейнаму тэмпераменту, і яна кінула студэнта‑небараку. Дарэчы, на грып студэнт такі захварэў.

Сёлетняя эпідэмія свінога грыпу наогул падклала ў пасцелі многіх пар тлустую свінню.

Мужчыны ў прынцыпе больш за жанчын панікуюць з нагоды розных хвароб. Невялікі боль у горле — і 80% мужчынаў цалкам бездапаможныя. Які тут сэкс?! А калі боль у горле і насмарк у вас, жанчыны, — будзьце спакойныя, штоноч вы будзеце ціхенька ляжаць на сваёй палавіне ложка, захутаныя ў пуховую коўдру па самыя вушы.

Як па мне, лепш захварэць ад любімага чалавека, чым ад выпадковага пасажыра ў метро, які на вас чхнуў з усяго дуру. Падзялюся з вамі адной сакрэтнай парадай. Калі ў вас паднялася тэмпература і баліць горла, клічце свайго мужчыну або жанчыну, кладзіце на жывот гарошыну паболей і… да поўнага рашчаплення. У якасці прэлюдыі можна выбраць лячэбныя расціранні, а далей — інтуіцыя і народная медыцына падкажуць, што рабіць. І нават калі вы і хворыя на свіны грып,

у вас як мінімум з’явіцца шчаслівая перспектыва памерці са сваім каханым ў адзін дзень.

Вольга Жарнасек

Глядзі таксама:
Інтэрнэт у нашых ложках

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве

Усе навіны →
Усе навіны

11-гадовы школьнік гуляўся з порахам у бабулі і атрымаў моцныя апёкі галавы1

Вядомую мінскую трэнерку па танцах асудзілі за палітыку5

Тур абяцае кампрамат на тых, хто праз тыкток скардзіцца на ўлады28

Ва Украіне загінуў 42-гадовы выкладчык Полацкага ўніверсітэта, які пайшоў ваяваць за Расію37

Вызвалены з турмы ў Беларусі грамадзянін Латвіі: За тры гады страціў 26 кілаграмаў і цалкам пасівеў12

Маладыя беларусы набылі дом за 42 рублі і пераробліваюць яго ў здымачную пляцоўку3

У Азербайджане выкладчыка асудзілі на 15 гадоў за перапіску з армянамі2

«Людзі ідуць у мячэці, а не лечаць псіхічныя хваробы». Беларускі псіхіятр расказаў аб працы ва Узбекістане і ў Польшчы17

Тэлебачанне Ірана паведаміла пра пачатак спынення агню1

больш чытаных навін
больш лайканых навін

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8

Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве

Галоўнае
Усе навіны →

Заўвага:

 

 

 

 

Закрыць Паведаміць