Першы ў Беларусі канцэрт сусветна знакамітага нямецкага гурта запланаваны на 7 сакавіка 2010 года.
Некалькі сталічных канцэртна‑відовішчных арганізацый вядуць перамовы аб арганізацыі выступлення Rammstein у Мінску.
Паводле папярэдняй інфармацыі, першы ў Беларусі канцэрт славутага нямецкага гурту плануецца
на 7 сакавіка 2010 года.
Як паведамілі ў адной з арганізацый, якая вядзе перамовы аб канцэрце, чакаецца, што месцам яго правядзення будзе цэнтральная пляцоўка спартыўнага комплексу «Мінск‑Арэна», якая ўмяшчае да 15 тысяч гледачоў. Пытанні, што тычацца кошту білетаў і таго, якія гурты будуць выступаць «на разагрэве» ў Rammstein, пакуль узгадняюцца.
Паводле слоў арганізатараў выступлення, апрача музыкантаў на канцэрт павінна прыехаць адміністрацыя калектыву і тэхнічны персанал, усяго прыкладна 40 чалавек.
Гурт прывозіць уласнае музычнае абсталяванне на пяці грузавіках.
Што тычыцца бытавога райдэра, то для музыкантаў патрабуецца пяцізоркавы гатэль, для тэхперсаналу — трохзоркавы.
Зараз Rammstein праводзіць сусветнае турнэ ў межах выхаду новага альбома Liebe ist fur alle da.
У канцы лютага наступнага года гурт плануе даць канцэрты ў Санкт‑Пецярбургу і Маскве, 4 сакавіка — у Рызе, 5 сакавіка — у Вільні, 9 сакавіка — у Кіеве.
***
Гурт Rammstein быў створаны ў студзені 1994 года. Музычны стыль калектыву аб’ядноўвае ў сабе элементы індастрыял‑метала і традыцыі нямецкай цяжкай музыкі. Rammstein — адзін з самых папулярных рок‑гуртоў Германіі, шырока вядомы і ў астатнім свеце. Амаль усе песні калектыву выконваюцца на нямецкай мове. Каманда таксама праславілася сцэнічнымі шоу і эпатажнымі тэкстамі.
***
Беларускія студэнты адкрылі для сябе Rammstein у 1997 г. з Engel і Du hast.
Цяпер чытаюць
Крутога айцішніка, які вярнуўся з Грузіі, асудзілі па чатырох палітычных артыкулах2
Каментары