Прэзентацыя канала, што будзе транслявацца з Расіі, адбылася ў панядзелак у Мінску.
Як паведаміў намеснік генеральнага дырэктара тэлеканала Уладзімір Лапчанка, дамова пра адкрыты доступ да канала на беларускай тэрыторыі быў падпісаны з афіцыйным дыстрыбутарам ТАА «Белвіасат‑Кантэнт» ў канцы 2009 года. Сігнал перадаецца са спадарожніка «Ямал‑200» з каардынатай 90 градусаў усходняй даўжыні.
«Радасць мая» — гэта свецкі канал, створаны праваслаўнымі людзьмі.
Ён прапануе гледачам культурна‑асветніцкія, адукацыйныя і дзіцячыя праграмы. Калектыў стараецца, каб на канале кожны член сям’і мог знайсці для сябе нешта карыснае. Асаблівасць «Радасці маёй» — прыхільнасць да праваслаўных традыцый», — распавялі ў дырэкцыі канала.
Ідэя праекта нарадзілася ў Расіі ў сакавіку 2007 года. Дзіцячы сямейны адукацыйны тэлеканал ўпершыню выйшаў у расійскі эфір 6 студзеня 2009 г.
Дарэчы зараз вядуцца перамовы аб рэтрансляцыі праграм «Радасці маёй» на цэнтральных эфірных тэлеканалах Расіі і Беларусі.
Цяпер чытаюць
Фоты з Масквы даюць пабачыць Пуціна і Лукашэнку без грыму8
Каментары