Як паведамілі праваабаронцам з Mayday team знаёмыя Наталлі Сачэўкі, жанчына ўжо цэлы тыдзень не выходзіць на сувязь, дома таксама яе няма.
Вядома, што падчас масавай аблавы 23 студзеня ў Беларусі супрацоўнікі КДБ прыходзілі і да Наталлі Сачэўкі. Верагодна, цяпер жанчына ў руках у сілавікоў.
Наталля Сачэўка — маці палітвязня Андрэя Сачэўкі, які адбывае свой тэрмін у турме №4 Магілёва.
Андрэй Сачэўка быў асуджаны нібыта за «заклікі да беспарадкаў» (арт. 293 КК РБ) і «распальванне сацыяльнай варожасці» (арт. 130 КК РБ) за каментары ў адным з гродзенскіх тэлеграм-каналаў. Вядома, што Андрэй іх напісаў у ноч з 11 на 12 жніўня 2020 года, калі ішлі жорсткія разгоны пратэстоўцаў. Мужчына мае псіхічнае захворванне.
Абласны суд Гродна пакараў маладога чалавека 6 гадамі пазбаўлення волі. Палітвязень быў уключаны ў спіс асоб, якія маюць дачыненне да «тэрарыстычнай» дзейнасці.
Каментары