Пажар адбыўся 30 снежня прыкладна ў 17.30 у кватэры на пятым паверсе дзевяціпавярховага дома па вуліцы Рэчыцкая шаша.
Суседзі адчулі пах дыму, падышлі да кватэры, пастукалі, дзверы былі незачыненыя. Калі ўвайшлі ў памяшканне, убачылі мужчыну 1944 года нараджэння, які ляжаў на пасцелі, пад ім гарэў матрац. Мужчыну вывелі на пляцоўку і перадалі брыгадзе хуткай дапамогі. Ад прытоку паветра ў кватэры пачаўся моцны пажар, у выніку якога згарэлі тры пакоі. Супрацоўнікі МНС эвакуявалі каля 30 чалавек — жыхароў дома. У кватэры, дзе быў пажар, ратавальнікі знайшлі труп маладой жанчыны 1978 года нараджэння, дачкі гаспадара.
Падчас эвакуацыі жыхароў дома на пляцоўцы восьмага паверха ратавальнікі знайшлі дзяўчыну 1991 года нараджэння з прыкметамі атручэння прадуктамі гарэння, яе перадалі медыкам, якія канстатавалі смерць. Падчас праверкі ўстаноўлена, што дзяўчына, навучэнка ПТВ, у дзень пажару піла піва з сяброўкамі на пляцоўцы дзевятага паверха гэтага дома. Калі ў пад’ездзе пачалося задымленне, дзяўчаты спусціліся на некалькі паверхаў ніжэй, каб паглядзець, што адбываецца.
Але на шостым паверсе было моцнае задымленне, і дзяўчаты вырашылі падняцца назад на дзевяты паверх. Калі вярнуліся туды, убачылі, што згубілі сваю сяброўку.
Згодна з папярэдняй версіяй, вінаватыя ў пажары знаходзіліся ў стане алкагольнага ап’янення.
Цяпер чытаюць
Фоты з Масквы даюць пабачыць Пуціна і Лукашэнку без грыму8
Каментары