Грамадства

Помнік Жукаву паставяць між прамзонай, пуцеправодам і прыватным сэктарам

у 2007 годзе бюст чатырохразовага героя Савецкага Саюзу будзе ўсталяваны ў менскім сквэры на вуліцы Чыгуначнай на скрыжаваньні з праспэктам Жукава.

Шматгадовыя высілкі вэтэранаў вайны дзеля ўвечненьня памяці савецкага маршала Георгія Жукава завяршыліся плённа: прапанову ўхваліў Савет міністраў. У адпаведнасьці з дакумэнтам, у 2007 годзе бюст чатырохразовага героя Савецкага Саюзу будзе ўсталяваны ў менскім сквэры на вуліцы Чыгуначнай на скрыжаваньні з праспэктам Жукава. Некалькі гадоў таму гаворка ішла пра конную скульптуру, якую меліся паставіць ля сталічнага Дому афіцэраў.

Як паведаміў прадстаўнік Беларускага аддзяленьня Міжнароднага грамадзкага фонду імя Жукава Дзьмітры Сянько, вэтэраны на ўсталяваньне помніка сабралі са сваіх пэнсіяў 45 мільёнаў рублёў – у эквіваленце болей за 20 тысяч даляраў. Рэшту грошай на помнік абяцае пералічыць дзяржава. Праўда, з улікам сабекошту праекту ўсё ж давялося адмовіцца ад першапачатковай ідэі – пасадзіць Жукава на каня.

(Сянько: ) «Той праект не прайшоў. Конная скульптура запатрабавала б занадта вялікіх выдаткаў, і мы ад ідэі адмовіліся. У нас такіх грошай папросту няма, вырашылі спыніцца на бюсьце. Але прынцыповае рашэньне ўжо прынятае, і бюст будзе ўсталяваны на перакрыжаваньні вуліцаў Чыгуначная і праспэкту Жукава. Такім чынам, будзем працаваць у адпаведнасьці з прынятай пастановай».

Усталяваць помнік Жукаву ў Менску вэтэраны спрабуюць ад канца 1990-х. Пачаткова яны настойвалі на коннай скульптуры ля Дому афіцэраў. Гарадзкія ўлады ідэю спачатку ўхвалілі, але потым адмовіліся. Затым вэтэраны беспасьпяхова хадайнічалі, каб паставіць помнік на праспэкце Машэрава.

Урэшце зьвярнуліся ў Міністэрства абароны з просьбай паставіць помнік на тэрыторыі Вайсковай акадэміі, што напачатку нібыта знайшло разуменьне. Але сёлета кіраўніцтва Вайсковай акадэміі адмовілася, спаслаўшыся на тое, што ўстанова зьяўляецца закрытай зонай, уваход на тэрыторыю якой абмежаваны.

Дагэтуль маршал Жукаў на тэрыторыі Беларусі быў ушанаваны толькі мэмарыяльнай дошкай у Гомелі. Увогуле ж мэмарыяльныя дошкі ў гонар таго ці іншага генэрала, пад кіраўніцтвам якога вызваляўся горад, ёсьць практычна ў кожным раённым цэнтры. Самыя вялікія мэмарыялы – Берасьцейская крэпасьць, Хатынь, Курган Славы ды іншыя – прысьвечаныя ваеннаму часу.

У адным толькі Менску больш за паўсотні буйных помнікаў, бальшыня якіх прысьвечаная падзеям апошняй вайны. Помнікі адкрываюць дагэтуль: летась у Менску зьявіліся бюсты маршала Якубоўскага і героя Савецкага Саюзу Асаналіева, а таксама архітэктурна-скульптурны знак «Беларусь партызанская». А пасьля адкрыцьця «Лініі Сталіна» пад Заслаўем афіцыйна ўшанаваны і «правадыр народаў». У той жа час памяць пра многіх гістарычных ды нацыянальных герояў Беларусі не ўшанаваная.

Радыё Свабода

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У Суле адзначылі Купалле. Гасцей было столькі, што на дарогах утварыліся заторы9

У Суле адзначылі Купалле. Гасцей было столькі, што на дарогах утварыліся заторы

Усе навіны →
Усе навіны

Пуцін пасмяротна ўзнагародзіў загінулага намесніка кіраўніка ВМФ другой «Залатой зоркай» Героя Расіі5

«Не знайшлося лідара, здольнага гэта зрабіць». Лябедзька расказаў, калі прайграла дэмакратыя ў Беларусі і пры чым тут Пазняк99

У паводцы ў Тэхасе, што накрыла дзіцячы летнік, загінулі найменей 51 чалавек, 27 дзяўчынак прапалі без вестак

Стасевіч стаў рэкардсменам Беларусі па колькасці матчаў. Яму падарылі лукашэнкаўскі мерч, хаця дома футбаліст у чорным спісе1

Беларусь — не ўскраіна, а цэнтр еўрапейскай гісторыі, сцвярджае гісторык Цімаці Снайдэр37

У Краснадарскім краі жорсткую пасадку зрабіў самалёт ДТСААФ з парашутыстамі2

Першае палітычнае забойства ў Беларусі: выбух у цэнтры горада і дзіўная гібель галоўнага падазраванага15

Лукашэнку на свяце ў Александрыі суправаджала афіцэр Зайцава35

Ілан Маск абвясціў аб стварэнні сваёй партыі20

больш чытаных навін
больш лайканых навін

У Суле адзначылі Купалле. Гасцей было столькі, што на дарогах утварыліся заторы9

У Суле адзначылі Купалле. Гасцей было столькі, што на дарогах утварыліся заторы

Галоўнае
Усе навіны →

Заўвага:

 

 

 

 

Закрыць Паведаміць