Ва ўзбекскага трэнера на Алімпіядзе здарыўся сардэчны прыступ. Яго выратавалі брытанскія медыкі
Трыумф баксёраў з Узбекістана ледзь не азмрочыўся трагедыяй.
Узбекістан на Алімпіядзе ў Парыжы заваяваў восем залатых медалёў, пяць з якіх прынеслі баксёры. Іх трэніруе Тулкін Кілічаў, з імем якога звязваюць трыумф узбекаў.
Пасля фінальнага бою Хасанбоя Дусматава Кілічаву рэзка стала кепска ў зоне размінкі. На дапамогу прышлі дактары каманды Вялікабрытаніі Хардж Сінгх і Робі Ліліс. З дапамогай дэфібрылятара яны выратавалі жыццё ўзбекскаму трэнеру.
«Спачатку ўсё было кепска, але прыкладна праз 20-30 секунд, пасля таго як Хардж працягнуў праводзіць сардэчна-лёгачную рэанімацыю, ён раптам прыйшоў у прытомнасць, і гэта было выдатна», — сказаў Ліліс.
Кілічава даставілі ў бальніцу. Яго стан ацэньваецца як стабільны. У зборнай Узбекістана адмовіліся ад падрабязных каментароў па сітуацыі, толькі заявіўшы, што з Кілічавым усё ў парадку і цяпер яму нашмат лепш.
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву7
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары