І гэта нягледзячы на заявы аб спыненні наступу УСУ.
Дарадца губернатара Курскай вобласці Раман Алёхін заклікаў жыхароў памежнага горада Рыльска эвакуявацца, «пакуль для гэтага ёсць магчымасць».
«Не чакайце да апошняга, як Суджа, Коранева, Глушкова. Жыццё ваша і вашых сваякоў даражэйшае за жыццё сабачкі», — заявіў ён.
Рыльск знаходзіцца за 40 кіламетраў ад мяжы з Украінай, у ім пражываюць 15 тысяч чалавек.
Алёхін падкрэсліў, што цывільнаму насельніцтву трэба ў тэрміновым парадку пакінуць горад, пакуль гэта бяспечна.
«Зацягваючы з прыняццем пастановы аб выездзе, вы падстаўляеце пад удар не толькі сябе, але і тых, хто потым будзе рызыкаваць жыццём, каб вас эвакуяваць», — растлумачыў ён.
Між тым у Мінабароны Расіі запэўніваюць, што наступ украінскіх сіл у Курскай вобласці спынены. У прыватнасці, пра гэта рэгулярна заяўляе намеснік начальніка Галоўнага ўпраўлення па ваенна-палітычнай працы ведамства, камандзір чачэнскага спецназа «Ахмат» генерал-маёр Апці Алаудзінаў.
Упершыню ён сказаў аб «спыненні» прасоўвання УСУ ў рэгіёне 9 жніўня і пасля паўтарыў тое ж самае яшчэ як мінімум пяць разоў, піша Moscow Times.
Дзядок патлумачыў, чаму вызвалілі менавіта тых палітвязняў, каго вызвалілі31
Каментары
Коли усіх жителів уже евакуювали, а українська армія ще не дійшла - найзручніший момент для того, щоб мародерити.