Здароўе

Медык папярэдзіў: есці ў розны час шкодна для здароўя

Вызначаны рэжым харчавання — адна з перадумоў добрага здароўя.

Ілюстрацыйнае фота: Наша Ніва

Пра важнасць рэжыму харчавання піша кандыдат медыцынскіх навук, эксперт «Курсу клопату пра сябе» Андрэй Белавешкін. Ён нагадвае словы прускага «караля-салдата» Фрыдрыха Вільгельма «вайна вайной, а абед па раскладзе».

Па словах эксперта, наша здароўе базуецца на чатырох рэжымах — харчавання, сну, працы і адпачынку, фізічнай актыўнасці.

Рэжым — гэта рэгулярная (штодзённая) прадказальная паслядоўнасць дзеянняў. Як тлумачыць эксперт, наш арганізм звярае і плануе актыўнасці паводле цыркадных рытмаў і любіць прадказальнасць. Гэта дазваляе яму наладжвацца і адаптавацца з меншай нагрузкай. Калі мы ямо больш-менш у адзін і той жа час, то ў нашай стрававальнай сістэме фарміруюцца ўстойлівыя ўмоўныя рэфлексы.

Даўней, у нашых дзядоў і баб, графік харчавання быў даволі строгім і вызначаным для ўсёй сям’і, цяпер у многіх сем'ях усё хаатычна. Што мы з'ямо, дзе і калі залежыць ад мноства выпадковых фактараў.

Вучоныя папярэджваюць — хаатычныя нерэгулярныя прыёмы ежы негатыўна ўздзейнічаюць на здароўе. Вынікі даследаванняў паказалі, што нерэгулярнае харчаванне негатыўна ўплывае на кагнітыўныя функцыі, павялічвае рызыку метабалічнага сіндрому, сардэчна-сасудзістых захворванняў, гастрыту з Helicobacter pylori, павышае артэрыяльны ціск.

Вынікі даследавання, падчас якога людзям мянялі графік харчавання са сталага на нерэгулярны (захоўваючы пры гэтым той жа набор прадуктаў), паказалі, што за 2 тыдні прыкметна мяняецца ўзровень інсуліну, агульнага халестэрыну і холестэролу. Нават перыядычны збой рэжыму, напрыклад у выхадныя, здольны павялічыць рызыку атлусцення.

Спецыялісты папярэджваюць, што пропускі прыёмаў ежы могуць мець фатальныя наступствы для людзей з цукровым дыябетам, павялічыць рызыку нырачнай недастатковасці.

Калі мы прапускаем прыём ежы, то ўзровень глюкозы і цукру ў крыві падае да небяспечна нізкага ўзроўню, што прыводзіць да такога небяспечнага захворвання, як гіпаглікемія, якое зніжае нашыя кагнітыўныя здольнасці, можа выклікаць галавакружэнне і моцную стомленасць.

Пасля пропуску прыёму ежы мы схільныя да пераядання, што прыводзіць да рэзкага росту ўзроўню цукру ў крыві, зніжэнню нашай энергіі, адчуванню моцнай стомленасці, росту артэрыяльнага ціску. Высокі крывяны ціск, у сваю чаргу, шкодзіць крывяносным сасудам нырак, перашкаджаючы іх правільнаму функцыянаванню.

У які час правільна есці?

Белавешкін рэкамендуе сачыць за тым, каб харчаванне было рэгулярным, у адзін і той жа час. Важна ўсвядоміць, што нашая прадуктыўнасць базуецца на павазе да сваёй фізіялогіі, што рэжым харчавання, спорту, сну і працы — гэта фундамент усяго астатняга.

Спецыяліст раіць пачынаць тыдзень з планавання гадзін прыёму ежы, а ўжо затым — працоўных пытанняў. Сумесныя абеды і вячэры з сям'ёй і сябрамі павінны адбывацца ў звыклы час. І гэта павінна стаць традыцыяй.

Падвышэнне рэгулярнасці харчавання дапамагае кантраляваць голад, зробіць працэс пахудзення больш лёгкім, палепшыць біямаркеры. Для правільнай ацэнкі рэгулярнасці свайго харчавання дапаможа вядзенне харчовага дзённіка.

Каментары

Цяпер чытаюць

У адказ на закрыццё Варшавай мяжы беларускія ўлады ўзялі ў закладнікі 1453 польскія фуры24

У адказ на закрыццё Варшавай мяжы беларускія ўлады ўзялі ў закладнікі 1453 польскія фуры

Усе навіны →
Усе навіны

Менеджара банка з Наваполацка асудзілі — імаверна, за Гаюн

Чэшскі дыпламат абвешчаны персонай нон грата і павінен пакінуць Беларусь

«Чакаю тавар ужо 13 дзён». Што пішуць кліенты аб праблемах Wildberries7

«Грошы залічаны іншаму кліенту: у яго такі ж ідэнтыфікатар» — рэдкі выпадак з банкаўскай карткай2

Метро, новыя дарогі і жыллё: зацвердзілі новы план развіцця мінскіх Шабаноў3

Што расказваў Статкевіч суседзям у ноч перад выездам на мяжу48

Цэны на кватэры ў цэнтры Гродна растуць шалёнымі тэмпамі. І вось чаму3

На Нямізе заўважылі вялікую чаргу1

34 гады таму бел-чырвона-белы сцяг і герб «Пагоня» сталі афіцыйнымі дзяржаўнымі сімваламі10

больш чытаных навін
больш лайканых навін

У адказ на закрыццё Варшавай мяжы беларускія ўлады ўзялі ў закладнікі 1453 польскія фуры24

У адказ на закрыццё Варшавай мяжы беларускія ўлады ўзялі ў закладнікі 1453 польскія фуры

Галоўнае
Усе навіны →

Заўвага:

 

 

 

 

Закрыць Паведаміць