Сергеенка: Мінску паступіла запрашэнне ўзяць удзел у назіранні за выбарамі ў ЗША
Беларусі паступіла запрашэнне ўзяць удзел у назіранні за выбарамі ў ЗША, Малдове і за парламенцкімі выбарамі ў Грузіі. Пра гэта ў эфіры тэлеканала «Беларусь 1» заявіў старшыня Палаты прадстаўнікоў Ігар Сергеенка, паведамляе БелТА.
Спікер адзначыў, што беларускія дэпутаты бяруць удзел у назіранні за выбарамі. Дэпутаты Палаты прадстаўнікоў у пачатку верасня ў якасці міжнародных назіральнікаў выязджалі ў Азербайджан, дзе праходзілі выбары ў парламент.
«Па-першае, гэта сур'ёзны досвед, які напрацоўваецца падчас такіх мерапрыемстваў. Гэта ўстанаўленне партнёрскіх, даверных адносін, падтрымка той краіны. Таксама мы бралі ўдзел у назіранні за выбарамі ў Венесуэле і Узбекістане, — сказаў Ігар Сергеенка.
— Літаральна нядаўна нам, здавалася б, у гэты няпросты час паступіла запрашэнне ўзяць удзел у назіранні за выбарамі ў Злучаных Штатах Амерыкі, Малдове, за парламенцкімі выбарамі ў Грузіі. Паглядзім, як гэта будзе развівацца».
Прэзідэнцкія выбары ў ЗША пройдуць 5 лістапада.
Каментары