Кожная атака Расіі даказвае, што сістэмы СПА неабходныя зараз ва Украіне, дзе яны ратуюць жыцці, а не на базах захоўвання саюзнікаў, адзначыў прэзідэнт Украіны.
Прэзідэнт Уладзімір Зяленскі пракаментаваў масіраваны ўдар Расіі па Украіне 28 лістапада. Ён паведаміў, што агулам расіяне выпусцілі каля 100 ўдарных дронаў і больш за 90 ракет розных тыпаў, у тым ліку «Калібры» з касетнымі боепрыпасамі, піша УНІАН.
«У некалькіх абласцях зафіксаваныя ўдары «Калібрамі» з касетнымі боепрыпасамі менавіта па грамадзянскай інфраструктуры. Гэтыя касетныя часці значна ўскладняюць нашым ратавальнікам і энергетыкам ліквідацыю наступстваў удару, і гэта вельмі подлая эскалацыя расійскай тэрарыстычнай тактыкі», — падкрэсліў Зяленскі.
Ён адзначыў, што мэтай расіян падчас атакі стала энергетычная інфраструктура. На дадзены момант ва ўсіх абласцях, дзе гэта неабходна, прыцягнутыя сілы для ліквідацыі наступстваў удараў.
«Кожная такая атака даказвае, што сістэмы СПА неабходныя зараз ва Украіне, дзе яны ратуюць жыцці, а не на базах захоўвання. Гэта асабліва важна ў зімовы перыяд, калі трэба абараніць нашу інфраструктуру ад мэтанакіраваных расійскіх удараў. Мы пастаянна працуем з партнёрамі, каб мець больш сілы для абароны, і своечасовае пастаўка зараз і поўнае выкананне дамоўленасцей, у тым ліку па СПА — гэта тое, што найбольш патрэбна», — адзначыў Зяленскі.
Цяпер чытаюць
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1212
Каментары