Нерухомасць3131

Вядомая беларуская бізнэсвумэн — і жонка праўладнага блогера-мільённіка — шукае арандатараў для свайго катэджу. Кошт ваў!

Юлія Кабякова, якая ў першым шлюбе была з тэлевядучым Дзянісам Кур'янам, здае свой шыкоўны катэдж у Бараўлянах за $2500 на месяц.

Скрыншот сторыс Юліі Кабяковай

Юлія Кабякова некалі была жонкай вядучага Дзяніса Кур’яна, але шлюб распаўся. А ў 2022 годзе жанчына зноў выйшла замуж. Яе абраннікам стаў, мабыць, самы папулярны праўладны блогер — Улад Кабякоў, які мае 1,4 мільёна падпісчыкаў у інстаграме. На момант вяселля ён меў 3 мільёны падпісчыкаў, але канцэрты ў акупаваным Крыме і падтрымка рэжыму Лукашэнкі адштурхнулі ад яго фанатаў.

Сама ж Юлія таксама актыўна вядзе блог у інстаграме. На яе падпісана больш за 55 тысяч чалавек. Жанчына не без гонару пазначыла ў профілі: «Мой муж — кумір вашых дзяцей».

Учора Юлія распавяла ў сторыс, што шукае новых арандатараў для свайго катэджа ў Бараўлянах.

Падпісчыкі хваляваліся, што яна прадала элітную нерухомасць, але бізнэс-лэдзі растлумачыла:

— Вось ён мой прыгажун, на месцы, нікуды не падзеўся. Я яго здаю. Тут жывуць класныя сем'і. Але якраз цяпер людзі з'ехалі, і дом шукае новых жыхароў.

Юлія ўпэўнена, што больш за ўсё дом падыдзе сям'і з дзецьмі, бо яго галоўнай вішанькай яна лічыць дзіцячы пакой.

— Арэлі, вялікі стол, можна павесіць тэлевізар… Шмат прасторы. Прыгадваю, як мае дзеці тут чылілі — і гэта было крута.

Другім улюблёным месцам у катэджы бізнэсвумэн называе кухню, дзе можа збірацца ўся сям’я. А рэлаксіраваць ёй падабаецца на мяккай канапе побач з камінам. Кажа, мінус толькі адзін: уставаць потым зусім не хочацца.

У аб’яве на сайце realt.by можна пабачыць, што дом быў пабудаваны ў 2015 годзе. Агульная плошча — 216 квадратаў. На першым паверсе ёсць прасторная гасцёўня з выхадам на тэрасу, кухня-сталовая, санвузел, пральны пакой. На другім знаходзіцца спальня гаспадароў, вялікі дзіцячы пакой, кабінет, санвузел, гардэробны пакой.

У катэджы італьянская мэбля, імпартная сантэхніка і бытавая тэхніка. Устаноўлена сістэма цэнтральнага пылавыдалення, убудаваны пыласос, кандыцыянеры, фільтр вады. Прыемны бонус — цёплыя падлогі.

Таксама абсталяваны цёплы гараж для дзвюх машын.

Плошча ўчастка — 15 сотак. Адзначана, што тэрыторыя ўпрыгожана туямі, выкананы ландшафтны дызайн, пракладзена сцежка здароўя, устаноўлена сістэма аўтапаліву.

— Участак мы даглядаем самі. Вам застаецца толькі прыехаць сюды, раскласці свае рэчы і атрымліваць асалоду.

Арандаваць гэты катэдж каштуе $2500 на месяц.

Каментары31

  • Беларус
    24.01.2025
    А чаму вас здзіўляе кошт? У Варшаве кавалеркі плошчай 20м2 здаюць па 500$. А тут даволі акуратны дом на 215 м2 з дагледжанай тэрыторыяй і гаражом.
  • В Варшаве можно вести инстаграмм...
    24.01.2025
    ДИН, скорое будут скидки. Айтишка съезжает все равно потихоньку. А бизьнисменов больше не становится....
  • Огонек
    24.01.2025
    ДИН, а давно в Минске варшавские зарплаты?

Цяпер чытаюць

Следам за «Еўраоптам» вобшукі адбыліся і ў «Дабраноме»5

Следам за «Еўраоптам» вобшукі адбыліся і ў «Дабраноме»

Усе навіны →
Усе навіны

«Утопія, заснаваная на эмпатыі». На амерыканскім фестывалі Burning Man будзе беларускі лагер

У жодзінскай турме прайшлі вучэнні з удзелам АМАПа3

У Брэсце дзяўчына пабачыла арыенціроўку на зніклага чалавека — і знайшла яго за пару хвілін1

Праект зайшоў у тупік? Што з самалётам, які хацелі выпускаць у Беларусі1

Wildberries адказаў на сітуацыю з беларускай, якая заказала 34 купальнікі3

«Паперка, а не падстава для выезду». Беларуса з польскім праязным дакументам не пусцілі на самалёт

У якіх гарадах Беларусі будуюць найбольш жытла? Розніца паміж усходам і захадам уражвае10

Падчас начной атакі Украіна страціла F-16

У Магілёве мужчына ўдарыў міліцыянта нажом у жывот, а потым загінуў у пагоні5

больш чытаных навін
больш лайканых навін

Следам за «Еўраоптам» вобшукі адбыліся і ў «Дабраноме»5

Следам за «Еўраоптам» вобшукі адбыліся і ў «Дабраноме»

Галоўнае
Усе навіны →

Заўвага:

 

 

 

 

Закрыць Паведаміць