Адміністрацыя гасцініцы «Магілёў» адмовіла ў памяшканні для правядзення IV Сацыяльнага форуму.
Дырэктар гасцініцы Леанід Кац абгрунтаваў гэта тым, што зала пасяджэнняў занятая пад іншыя мерапрыемствы.
Між тым, як сцвярджае адзін з арганізатараў форуму — лідэр аб’яднання донараў «Кропля жыцця» і дабрачыннага сацыяльнага фонду «Шчырасць» Ігар Каваленка, папярэдняя дамоўленасць аб арэндзе памяшкання з адміністрацыяй гасцініцы была.
Арганізатары заяўляюць, што форум усё роўна адбудзецца, праўда, адкрыецца з затрымкай. Ён пройдзе у грамадскім цэнтры «Кола», што на завулку Чкалава, — гэта прыватнае памяшканне.
Як раней паведамляў БелаПАН, раніцай у арэндзе памяшкання арганізатарам адмовіла адміністрацыя гасцінічнага комплексу «Крыніца» магілёўскага ААТ «Магатэкс», дзе планавалася правядзенне форуму. Там адмову матывавалі рамонтам.
ІV Сацыяльны форум грамадскіх арганізацый Беларусі, Украіны і Літвы павінен прайсці 25—27 чэрвеня. Яго асноўная тэма — рэформа беларускай сістэмы аховы здароўя.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля3
Каментары