1 чэрвеня актывіст кампаніі «Гавары праўду» Павал Вінаградаў прыбыў у калонію «Воўчыя норы» (Івацэвічы Брэсцкай вобласці).
Тут жа адбывае пакаранне асуджаны па абвінавачванні ў хуліганстве старшыня Мінскай арганізацыі «Маладога фронту» Эдуард Лобаў. Пра гэта паведаміла Святлана Гарохавік — дзяўчына Паўла.
«Ад Пашы навінаў пакуль няма, ведаю, што ў мінулую сераду ён прыбыў у калонію, з тых часоў пакуль ніякіх вестак. У „Воўчыя норы“, я тэлефанавала туды на мінулым тыдні і даведвалася: даехаў ці не, вось у сераду сказалі, што прыбыў. Пакуль няма лістоў», — паведаміла Святлана. Дата разгляду касацыі пакуль не вядомая.
У Івацэвічах адбывае пакаранне і ваўкавыскі прадпрымальнік Мікалай Аўтуховіч, але ў іншай калоніі.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары