Незалежныя назіральнікі сутыкнуліся з перашкодамі з боку ўладаў і хакерскімі атакамі.
З 8.00 па мясцовым часе па ўсёй краіне пачалі працу больш за 96 тысяч выбарчых участкаў, дзе свой выбар павінны зрабіць каля 108 мільёнаў грамадзян.
У шэрагу рэгіёнаў Далёкага Усходу галасаванне ўжо завяршылася, там пачаўся падлік галасоў.
Яўка выбаршчыкаў, па словах афіцыйных асоб, да 18.00 па мясцовым часе (10.00 мск) перавысіла 73%, што ў цэлым адпавядае ўзроўню актыўнасці жыхароў акругі на выбарах дэпутатаў Дзярждумы ў 2007 годзе.
Упершыню ў гісторыі сучаснай Расіі да выбараў дэпутатаў Дзярждумы дапушчаны ўсе зарэгістраваныя палітычныя партыі: парламенцкія «Адзіная Расія», КПРФ, ЛДПР і «Справядлівая Расія», а таксама не прадстаўленыя ў ніжняй палаце «Яблык», «Правая справа» і «Патрыёты Расіі».
Па словах карэспандэнта Бі-бі-сі, гэтыя выбары разглядаюцца як свайго роду «рэферэндум аб даверы» прэм’ер-міністру Уладзіміру Пуціну, які зноў будзе ўдзельнічаць у прэзідэнцкай гонцы ў сакавіку 2012 года.
З пачаткам галасавання незалежныя назіральнікі заявілі аб фактах парушэнняў і палітычнага ўмяшання з боку ўладаў. Некалькі радыёстанцый і апазіцыйных груп паведамляюць аб тым, што іх сайты не працуюць з-за хакерскіх нападаў.
Асацыяцыя «Голас» — адзіная незалежная арганізацыя, якая назірае за выбарамі ў Расіі, — паведаміла аб магутнай хакерскай атацы на свой сайт.
Ранней прадстаўнікі «Голаса» заявілі, што ім было адмоўлена ў допуску на шэраг выбарчых участкаў у Томскай вобласці.
Цяпер чытаюць
Жанчыну-пульманолага з 30-гадовым стажам адправілі ў калонію па трох палітычных артыкулах9
Каментары