Лідская ЦРБ: «Алег Ціс тут болей не працуе».
На Гродзенскім блогу з’явілася інфармацыя, што старшыня Гродзенскага аблвыканкама Сямён Шапіра аднавіў на пасадзе галоўнага доктара Лідскай цэнтральнай раённай бальніцы Алега Ціса, якога зняў Генпракурор Беларусі.
У аўторак, 29 лістапада, генпракурор Беларусі Аляксандр Канюк з калегамі ў рамках праверкі дзяржорганаў у рэгіёнах інспектаваў працу чыноўнікаў у Лідскім раёне.
Стан кардыялагічнага аддзялення Лідскай ЦРБ выклікаў ў правяральшчыкаў шок.Пры наяўнасці вольных месцаў у платных палатах, пацыентаў размяшчалі ў калідоры. У саміх палатах былі гнілыя шыбы, столь у цвілі і грыбку, замест пяці ў палатах цяснілася па адзінаццаць чалавек. 1 снежня Аляксандр Канюк паведаміў журналістам, што галоўны ўрач быў зняты з пасады.
Спасылаючыся на інфармацыю з «кулуараў Гродзенскага аблвыканкама», сайт паведамляе, што 5 снежня на рабочай планёрцы Сямён Шапіра аднавіў Алега Ціса на ранейшай пасадзе.
Але
ў Лідскай ЦРБ карэспандэнту НН паведамілі, што «Алег Ціс тут болей не працуе». Але інфармацыю з інтэрнэту пра аднаўленне не абвяргалі — сказалі, што «пакуль каментаваць яе не могуць».Магчыма, пытанне Ціса яшчэ вырашаецца ў гродзенскіх ды мінскіх «кулуарах».
Цяпер чытаюць
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1212
Каментары