«З улікам рэалізацыі ў Беларусі праграмы дывэрсыфікацыі энэргетычных паставак і павелічэньня працэнту выкарыстаньня мясцовых і аднаўляльных крыніц энергіі, безумоўна, супрацоўніцтва са Швэцыяй мае вялікі інтарэс», — сказаў пасол Швэцыі.
Швецыя гатова падзяліцца сваімі напрацоўкамі ў галіне энергетыкі, інтарэс да развіцця супрацоўніцтва з Беларуссю ў гэтым напрамку ёсць. Аб гэтым карэспандэнту БЕЛТА паведаміў Надзвычайны і Паўнамоцны Пасол нашай краіны ў Каралеўстве Швецыя Андрэй Грынкевіч.
Паводле яго слоў, энергетыка — найбольш перспектыўны напрамак узаемадзеяння нашых краін. Швецыя дасягнула вялікіх поспехаў у выкарыстанні мясцовых аднаўляльных крыніц энергіі. Гэта краіна з’яўляецца адным з сусветных лідэраў у галіне энергетычнай эфектыўнасці і значную ўвагу надае ахове навакольнага асяроддзя.
«З улікам рэалізацыі ў Беларусі праграмы дыверсіфікацыі энергетычных паставак і павелічэння працэнта выкарыстання мясцовых і аднаўляльных крыніц энергіі (да 2012 года гэты паказчык павінен дасягнуць 20?25 працэнтаў), безумоўна, супрацоўніцтва са Швецыяй мае вялікі інтарэс», — сказаў дыпламат.
Ён адзначыў, што Швецыя пачала паступовы перавод часткі сваіх аўтатранспартных сродкаў на біяэтанол. У бліжэйшыя 20 гадоў яна мае намер поўнасцю адмовіцца ад выкарыстання нафты і нафтапрадуктаў у сваёй эканоміцы.
Швецыя выступае за скарачэнне выкарыстання атамнай энергетыкі, але тым не менш атамныя электрастанцыі ў краіне пакуль прадаўжаюць працаваць.
Цяпер адносіны Беларусі і Швецыі ў галіне энергетыкі актыўна развіваюцца. На рэгулярнай аснове адбываецца абмен візітамі паміж спецыялістамі і экспертамі. У 2006 годзе адбылося некалькі візітаў беларускіх дэлегацый у Швецыю, у тым ліку на ўзроўні намесніка міністра энергетыкі.
У канцы сакавіка запланавана паездка дэлегацыі пад кіраўніцтвам намесніка старшыні Прэзідыума Нацыянальнай акадэміі навук Беларусі Уладзіміра Цімашпольскага. Асноўная ўвага будзе нададзена вывучэнню шведскага вопыту выкарыстання мясцовых і аднаўляльных відаў паліва, паведаміў Андрэй Грынкевіч.
Фота Андрэя Лянкевіча
-
Пячнік і бацька шасцярых дзяцей адседзеў у калоніі за ўдзел у пратэстах. Ён просіць дапамогі, каб адкрыць сваю справу
-
Журналістка Шчыракова расказала, як сілавікі размясцілі яе інтымныя здымкі на сайце знаёмстваў і давалі яе нумар тэлефона мужчынам
-
Польшча адмовілася адкрыць справу па знікненні Анатоля Котава
Цяпер чытаюць
«Губазікаўцы схіляюць Калеснікаву да высылкі, але яна не хоча»1
Каментары