«Беларусы заўсёды былі разам з расіянамі. У нас хапае пагроз, і супраць гэтых пагроз мы заўсёды ў гісторыі былі разам і заўсёды будзем разам».
Той вельмі магутны ўдар, якія быў нанесены з Усходу па беларускай эканоміцы, намі пераадолены на працягу першага квартала. Аб гэтым заявіў 8 красавіка Аляксандр Лукашэнка ў час велікоднага богаслужэння ў Свята‑Духавым кафедральным саборы, гаворачы аб нядаўніх падзеях, звязаных з павышэннем цэн на расійскія энерганосьбіты.
«Мы можам стаць на ногі. Мы сталі. Паверце, у першым паўгоддзі бягучага года мы наогул забудзем, што гэта было. Гэта дзякуючы таму, што вы заўсёды верылі ў тое, што мы разам рабілі «, — падкрэсліў кіраўнік дзяржавы.
«Я хачу, каб вы разумелі, што мы не навязваем волю нікому, мы ні з кім не канфліктуем», — дадаў Аляксандр Лукашэнка.
Паводле ацэнкі прэзідэнта, 2006 год для Беларусі быў нялёгкі. «Ён падарыў нам жорсткі канфлікт з нашай самай блізкай дзяржавай — гэта адбываецца пад дыктоўку асобных людзей у Расіі, як прынята іх называць алігархаў, якія пачынаюць у бухгалтэрыі лічыць: хто каму павінен», — сказаў Аляксандр Лукашэнка.
«Мы ні ў якім выпадку не павінны, грунтуючыся на тым канфлікце (сітуацыя вакол паставак расійскіх энергарэсурсаў. — Заўвага БЕЛТА), павялічыць тую трэшчыну і зрабіць раскол паміж нашымі народамі і дзяржавамі», — падкрэсліў Аляксандр Лукашэнка.
Паводле яго слоў, беларусы «заўсёды былі разам з расіянамі». «Мы павінны заўсёды заставацца разам, як бы там не хацелася некаму па той або іншы бок барыкад. У нас хапае пагроз, і супраць гэтых пагроз мы заўсёды ў гісторыі былі разам і заўсёды будзем разам», — дадаў ён.
Як растлумачыў кіраўнік дзяржавы, «не прайшло двух месяцаў, як мы адчулі гэтыя пагрозы, і ў Расіі зразумелі, што змагацца супраць гэтых пагроз без Беларусі складана».
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары