Новыя кнігі, дасланыя ў рэдакцыю
Р.Барадулін. Лісты ў Гельсынкі. — Менск: «Беларускі кнігазбор», 2000. — 84 с. — Наклад 3000 ас. ISBN 985-6318-79-3
28 вершаваных лістоў, адасланых Рыгорам Барадуліным Васілю Быкаву ў Гельсынкі. Як адказы на лісты пры канцы кнігі зьмешчаныя малюнкі аўтара «Знаку бяды». Кнігу можна набыць за 450 рублёў.
А.Бельскі. Краса й смутак: Дапаможнік для настаўнікаў. — Менск: Мастацкая літаратура, 2000. — 237 с. — Наклад 8500 ас. ISBN 985-02-0077-4
Разглядаюцца творы школьнае праграмы.
Я.Колас. Дрыгва: Аповесьць, апавяданьні: Для сярэдняга школьнага веку/ Мастак С.Зьвяруга. — Менск: Юнацтва, 2000. — 224 с.: іл. — Наклад 6000 ас. ISBN 985-05-0360-2
Славутая Коласава аповесьць пра дзеда Талаша й некалькі апавяданьняў складаюць зьмест гэтае кнігі.
К.Шэрман. Los puntos cardinales — Кірункі сьвету — Cardinal Points — Стороны света: Паэма/ Пераклад з гішпанскае мовы Р.Барадуліна, В.Рыч, І.Бурсава. — Менск: «Беларускі кнігазбор», 2000. — 96 с. — Наклад 2000 ас. ISBN 985-6318-78-5
Кніга гішпанамоўнага беларускага пісь-меньніка Карласа Шэрмана ўлучае ягоную паэму па-гішпанску, беларуску, ангельску і расейску.
Г.Брэская. Настурцыі: Першая кніга паэзіі. — Полацак: Выдавецкая суполка «Полацкае ляда», 2000. — 32 с. — Наклад 100 ас.
Ганна Брэская — адна з найадметнейшых паэтак Полаччыны. Пакуль адшукана толькі трынаццаць ейных вершаў, што раскіданыя па розных альманахах ды часапісах 1920-х гадоў. Гэтая кніга — першая спроба вярнуць імя творцы зь нябыту. У зборніку зьмешчаны партрэт паэткі з альманаху «Наддзьвіньне» (Полацак, 1926 г.) і прадмова з аглядам творчасьці й жыцьцяпісу Ганны Брэскай, напісаная Алесем Аркушам.
Лідзкі летапісец: Краязнаўчы, гістарычна-літаратурны часапіс. № 1 (9), студзень-сакавік 2000 г. — Ліда, 2000. — 32 с. — Наклад 400 ас.
Ihar Lalkou. Apercu de l’histoire politique du Grand-Duche de Lithuanie: у сэрыі Collection Bielorussie. — Paris-Montreal: l’Harmattan, 2000. - 128 c. ISBN 2-7384-9207-X.
Першая кніга ў новай сэрыі франка-канадзкага выдавецтва, прысьвечанага нашай краіне. Прадмову да кнігі напісаў Бруна Дрвескі. З выдавецтвам можна скантактавацца праз e-mail: [email protected].
Агляд падрыхтаваў Віктар Мухін
Каментары