***
У верасьні ў вёсцы Беліца (Лідчына), дзе ў 1659 г. тутэйшае шляхецкае рушаньне пабіла маскоўскае войска Хаванскага, быў усталяваны памятны крыж — якраз ля броду церазь Нёман, дзе адбылася бітва.
Ініцыяваў ушанаваньне памяці продкаў старшыня мясцовай філіі ТБМ Станіслаў Суднік. Праз два тыдні мясцовыя ўлады паведамілі яму, што крыж усталяваны “незаконна” — без даведкі з Інстытуту гісторыі, зямельнага пляну і г.д. — і яго трэба зьнесьці.
| Усталяваньне крыжа |
Сам С.Суднік цьвердзіць, што зямля, на якой стаіць крыж, — няўдобіца, непрыдатная для гаспадарчага выкарыстаньня. Дазвол на ўсталяваньне крыжа яму быў выдадзены на паседжаньні рады мясцовага сельсавету. На той час, паводле словаў старшыні філіі ТБМ, аніякіх іншых дакумэнтаў ад яго не патрабавалі. “Я не абавязаны ведаць, якія дакумэнты патрэбныя, — кажа С.Суднік. — Я мушу толькі сабраць дакумэнты, а ўжо якія — мусяць ведаць чыноўнікі. Тады яны ад мяне большага не патрабавалі”. Толькі пасьля ўсталяваньня крыжа райвыканкам адмяніў дазвол сельсавету.
С.Суднік не зьбіраецца здавацца: “Я пэўны, што кожны суд вырашыць справу на маю карысьць”. Цяпер старшыня лідзкай філіі ТБМ чакае адказу з Інстытуту гісторыі: туды быў накіраваны запыт наконт гістарычнасьці самой падзеі.
С.М., А.Ш.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары