Salihorsk buduje šosty rudnik
«Biełaruśkalij» planuje ŭ nastupnym hodzie raspačać budaŭnictva šostaha rudnika. Jon budzie nievialikaj mahutnaści — 1,5 młn ton rudy ŭ hod i budzie ŭviedzieny ŭ 2007 h. Abjomy vytvorčaści ciapier składajuć 8 młn ton u hod. Resursy pieršaha j druhoha rudnikoŭ, jakija pracujuć z 1963 h., chutka buduć vyčarpanyja.
Vizyt premjera Małdovy
Biełaruska-małdaŭski tavarazvarot u 2006 h. maje skłaści $200 młn (sioleta — $100 młn). Pra heta viałasia razmova padčas vizytu ŭ Miensk małdoŭskaha premjer-ministra Vasila Tarleva. Sioleta ŭ Miensku miarkujecca stvaryć «Dom vina» — niedziaržaŭnaje pradpryjemstva, pad kantrolem jakoha budzie 75% małdaŭskaha vina, impartavanaha ŭ Biełaruś.
Jašče aŭtobusaŭ!
Sioleta «Miensktrans» nabyŭ 170 aŭtobusaŭ, 52 tralejbusy, 8 tramvajnych vahonaŭ i 24 vahony metro ahulnym koštam 90 młrd rub.
Čarhovy GSM-rekord
Kolkaść karystalnikaŭ-abanentaŭ GSM-suviazi ŭ Biełarusi pierasiahnuła adznaku ŭ try z pałovaj miljony. Na 1 kastryčnika kolkaść abanentaŭ MTS u krainie skłała 1 młn 860 tys., a Velcom — 1 młn 645 tys. Dola MTS na rynku mabilnaj suviazi składaje 51,6%, Velcom — 45,6%, «BiełSeł» — 2,8%.
Prahnozy spraŭdziacca
Rost VUP čakajecca na ŭzroŭni ad 9—9,5%, što adpaviadaje planam Ministerstva ekanomiki, ale ŭ sielskaj haspadarcy rost składzie tolki 3%, zapavolicca rost vytvorčaści spažyvieckich tavaraŭ.
ZD
Cichanoŭskaja pra muža: Uvieś jahony śviet pierakuleny21
Kamientary