Braty Hrym vandrujuć pa Niamieččynie, ratujučy davierlivych žycharoŭ ad niačystaj siły, jakuju sami ž i stvarajuć. Akupacyjnyja francuskija ŭłady adpraŭlajuć machlaroŭ u Marburski les, dzie źnikajuć dzieci. Tam avanturnikaŭ čakajuć žyvyja drevy, vaŭkałak i viedźma, jakoj 500 hadoŭ.
Tery Hilijam, viadomy pa absurdysckaj «Brazylii», raskvieciŭ 100-miljonny bamba-film hratesknymi prymočkami. Brunatna-halucynacyjny les (hibryd «Sonnaj łahčyny» j «Marozka»), Čyrvonaja Šapačka, złaja žyža z vačyma, razbeščanaja piaščotami Žaba.
Vilhielm Hrym (Met Dejman) — praktyčny j racyjanalny; uzychodnaja halivudzkaja zorka Hit Ledžer hraje jaho ramantyčnaha brata Jakaba. Pakuty piacisothadovaj karalevy, jakaja nie žadaje stareć, razyhrała Monika Belučy.
Ale samy hilijamaŭski persanaž, viaršynia hratesku — hienerał Delatomb, jaki nia lubić kazak i charčujecca paškamutanymi kacianiatkami. Śmierć hienerała, jaki zahadaŭ palić zababonna-partyzanski les, vyklikaje radasny ŭzdych u zali. «Ja tolki chacieŭ, kab byŭ paradak», — śćviardžaje admoŭny hieroj. Ale cyničny T.Hilijam ustaloŭvaje svoj paradak, dzie ŭłada kasujecca, a ramantyčnyja kazki atručanyja anhielskaj ironijaj.
Nia kožny hladač dažyvie da kanca seansu. Dla darosłych film zanadta kazačny, dla dziaciej — zanadta strašny.
▶
«Braty Hrym» («The Brothers Grimm»)
ZŠA—Čechija, 2005, kalarovy, 118 chv.
Žanr: strašnaja kazka.
Adznaka: 7,5 (z 10).
Cichanoŭskaja pra muža: Uvieś jahony śviet pierakuleny22
Kamientary