Handbolny minus
Za vychodnyja biełaruskich pradstaŭnikoŭ u handbolnych eŭrakubkach pamienieła na dźvie adzinki. Mužčynskaja «Viktoryja-Rehija» ŭ dvuch haściavych pajadynkach sastupiła makiedonskamu «Metalurhu» — 31:34, 28:33. U druhim kruzie žanočaha kantynentalnaha kubku los źvioŭ «Haradničanku» i mienski BNTU. Staličnyja handbalistki aka- zalisia macniejšymi — 32:30, 24:24. Nastupnyja hulni ŭ dziaŭčat — u studzieni.
Pieršy chatni pajadynak pravioŭ u Lizie čempijonaŭ Bieraściejski handbolny klub imia Miaškova. U mienskim Pałacy sportu BHK sastupiŭ dackamu «Kołdynhu» 27:29. Nastupnyja hulni bieraściejcy praviaduć u haściach: suprać płockaj «Visły» i taho ž «Kołdynhu». Zaklučnyja pajadynki hrupavoha turniru projduć u Miensku — 6 listapada suprać «Kila», 13 listapada — suprać «Visły».
Bronzavyja himnastki
Na tym tydni ŭ stalicy Azerbajdžanu prajšoŭ XXVII čempijanat śvietu pa mastackaj himnastycy. Zbornaja Biełarusi zavajavała čatyry bronzavyja medali. Ina Žukava zaniała treciaje miesca ŭ praktykavańniach ź miačom, astatnija try ŭznaharody byli zavajavanyja ŭ šmatborji ci hrupavych praktykavańniach. U ahulnym medalnym zaliku biełaruski zaniali piataje miesca. Na pieršym — rasiejki.
Dziaŭčaty bjucca lepiej
Na čempijanacie śvietu pa taekvando ŭ Ryzie biełarusy zavajavali dva bronzavyja medali. Jany na rachunku dziaŭčat — Julii Suchavickaj (katehoryja da 63 kh) i Alesi Čarniaŭskaj (72 kh). Chłopcy vystupili horš: Ihar Leanovič, Anatol Kačuk, Vital Malejka, Siarhiej Sačuk, Ihar Rasachacki trapili tolki ŭ dziasiatku lepšych.
Ramancaŭ admoviŭsia
Znakamity rasiejski trener Aleh Ramancaŭ admoviŭsia ad prapanovy ŭznačalić mužčynskuju futbolnuju zbornuju Biełarusi. «Kiraŭniki Biełaruskaj federacyi raniej prapanavali mnie ŭznačalić zbornuju, ale ja vymušany byŭ admovicca. Paličyŭ, što z pastaŭlenaj zadačaj — vychadam u finał čempijanatu śvietu — nie spraŭlusia. Česna zrabiŭ», — skazaŭ eks-trener maskoŭskaha «Spartaka» i zbornaj Rasiei.
AR, belta.by, football.by
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary