Ad 13 červienia administracyja sacyjalnaj sietki «Ukantakcie» pačała vydalać aŭdyjazapisy karystalnikaŭ, zahružanyja na sajt nielehalna.
International Intellectual Property Alliance pryznała jašče napačatku 2013 hoda, što «Ukantakcie» źmiaščaje vialikuju kolkaść pirackaha kantentu, što rujnuje muzyčny rynak u krainach
Učora ŭ sacyjalnych sietkach prajšła infarmacyja, što niekatorym karystalnikam «Ukantakcie» pryjšoŭ aficyjny list ad pradstaŭnikoŭ vialikich łejbłaŭ.
«Na zahružany vami aŭdyjozapis pastupiła skarha ad pravaŭłaśnika. Vy možacie asprečyć skarhu, zapoŭniŭšy śpiecyjalnuju formu, albo vydalić aŭdyjozapis, jaki parušaje aŭtarskija pravy».
U pieršuju čarhu pad novyja praviły «Ukantakcie» trapili topavyja artysty — The Rolling Stones, Maroon 5, Michael Jackson i šerah inšych.Firma «Nikicin», jakaja vałodaje pravami na zapisy bujnych rasiejskich vykanaŭcaŭ, taksama patrabuje vydalić piracki kantent, u tym liku zapisy hurtu «Lapis Trubiackoj» — u niekatorych karystalnikaŭ užo «źnikli» sa staronak pieśni z apošnich albomaŭ hurtu. Pry sprobie prasłuchać ich źjaŭlajecca papiaredžańnie pra skarhu pravaŭłaśnika, a sam zapis abviaščajecca «sprečnym».
Dyskusija pra toje, ci ŭdasca likvidavać «Ukantakcie» piracki kantent, pačałasia siarod karystalnikaŭ jašče ŭčora, u pryvatnaści, karystalniki zaŭvažajuć, što «Ukantakcie» — zakrytaja sacyjalnaja sietka, i zapisy znachodziacca nie ŭ publičnym dostupie.Niekatoryja karystalniki pasprabavali asprečyć vydaleńnie, adnak pakul što amal usie «pratesty» adchilajucca.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary