U Ałmaty paśla akcyi suprać devalvacyi tenhie ŭ subotu, u niadzielu adbyŭsia novy mitynh. Tut dadalisia novyja patrabavańni — suprać praviłaŭ Mytnaha sajuza, jakija tyčacca zabarony na ŭvoz karunkavaj nižniaj bializny.
Na akcyju pad nazvaj «Trusy dla jełbasy» (jełbasy u pierakładzie z kazachskaj značyć prezident, «baćka nacyi») sabrałasia kala 30 čałaviek.
Samymi aktyŭnymi ŭdzielnicami akcyi byli try dziaŭčyny — heta žurnalistki i aktyvistki Žanna Bajciełava i Jaŭhienija Płachina, a taksama były dyrektar Centra sučasnaha mastactva Sorasa ŭ Ałmaty Valeryja Ibrajeva.
Manumient niezaležnaści kazachskaja milicyja zahadzia aharadziła z dapamohaj śpiecyjalnych stužak, spasyłajučysia na ramontnyja pracy. I, kali aktyvistki pasprabavali ŭsio ž taki prabracca da pomnika, kab uskłaści i nadzieć na jaho trusy, palicyja ich zatrymała.
Usich traich dastavili ŭ adździaleńnie, i praź niekalki hadzin sud aštrafavaŭ dziaŭčat pa abvinavačvańni ŭ drobnym chulihanstvie — kožnuju prykładna na 100 dołaraŭ ZŠA.
Paśla vyzvaleńnia adna z aktyvistak, Jaŭhienija Płachina, raspaviała, suprać čaho pratestavała: «Ja vyjšła sa apošnimi svaimi karunkavymi majtkami, jakija ŭ nas zabaroniać u lipieni 2014 hoda. I nie tolki ŭ nas — na terytoryi ŭsiaho Mytnaha sajuza».
Niahledziačy na toje, što subotniaja i niadzielnaja akcyi zusim niešmatlikija, heta drenny znak dla ŭłady, miarkuje palitołah Dasym Satpajeŭ.
«Samaje cikavaje toje, što paśla devalvacyi 2009 hoda nijakich akcyj pratestu naohuł nie było. Ja dumaju, što dla ŭładaŭ źjaŭlajecca tryvožnym znakam toje, što chtości vyrašyŭ vykazać pratest takim sposabam. A heta jak raz kaža ab tym, što pratestnyja nastroi ŭ Kazachstanie isnujuć», — kaža palitołah.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty4
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary