Haradski saviet stalicy Čechii Prahi vyrašyŭ u aŭtorak spynić partniorskija adnosiny z rasijskimi haradami Maskvoj i Sankt-Pieciarburham, paviedamiŭ mer Prahi Tomaš Hudziečak.
«Svavolnaja ataka režymu Pucina pastaviła pad pahrozu nie tolki suvierenitet Ukrainy, ale i biaśpieku ŭsioj Jeŭropy», pry hetym, adnak, «my zastajemsia siabrami ruskich ludziej, ale nie prymajem impierskuju palityku Kramla», — zajaviŭ mer češskaj stalicy.
Hudziečak zaklikaŭ taksama inšyja češskija harady padtrymać jaho inicyjatyvu, uśviedamlajučy pry hetym, što rašeńnie pražskaj meryi «samo pa sabie nie spynić rasiejskuju ahresiju».
«My vierym usio ž, što da nas dałučacca inšyja harady, i heta stanie dziejsnym sihnałam dla hramadzian Rasii, što palityka Uładzimira Pucina ŭjaŭlaje surjoznuju niebiaśpieku budučamu ŭzajemnamu supracoŭnictvu jeŭrapiejskich krain z Rasijaj», — padkreśliŭ Hudziečak.
U toj ža čas mer češskaj stalicy dadaŭ, što da supracoŭnictva na aficyjnym uzroŭni rychtujucca Praha i Kijeŭ. «My z meram Kijeva Vitalom Kličko rychtujemsia zaklučyć damovu ab partniorstvie z ukrainskaj stalicaj», — zajaviŭ Tomaš Hudziečak.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ6
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary