Vyvučyć elfijskuju movu i daśledavać klanovy sirop: ekzatyčnyja kursy va ŭniviersitetach śvietu

Pradmiety, jakija vykładajucca ŭ biełaruskich VNU, padajucca nam absalutna zvyčajnymi. Voźmiem, naprykład, ekanamičnuju teryju, vyšejšuju matematyku ci fiłasofiju, — ničoha asablivaha. Ale ž jość ŭ śviecie kursy, jakija nam padaducca niečym nievierahodnym. Jany taksama vykładajucca studentam razam ź fiłasofijaj i matematykaj. Prapanujem paznajomicca z samymi niezvyčajnymi pradmietami va ŭniviersitetach śvietu.

Pavialičyć

«Rabi sełfi pravilna»

U Łondanskim kaledžy dla studentaŭ prapanavany kurs pa tym, jak pravilna rabić sełfi. Sełfi ŭ kursie nazyvajecca mastactvam, a studenty pa zaviaršeńni kursa mohuć stać kvalifikavanymi sełfi-mejkierami. Ciaham kursa studenty analizujuć svaje zdymki, zroblenyja raniej, a taksama zdymki roznych sielebryci i svaich adnahrupnikaŭ.

Klanovy sirop: ad A da Ja

Taki kurs prapanoŭvajecca studentam univiersiteta Alfred. Vy daviedajeciesia nie tolki pra historyju ŭźniknieńnia klanovaha siropa, ale i navučyciesia jaho hatavać.

Matematyka vuličnych bajoŭ

MIT-univiersitet viadomy na ŭvieś śviet. Razam z surjoznymi pradmietami tam vykładajuć analiz bojek z dapamohaj matematyki. Vidać, matematyka moža być karysnaj nie tolki dla vyličeńnia intehrałaŭ.

Jak pieramahčy ŭ konkursie pryhažości

U Abierlinskim kaledžy pryhažuń i pryhažunoŭ navučać nie tolki radavać svajoj pryhažościu znajomych ludziej, ale i vyjhravać mižnarodnyja konkursy.

Kursy elfijskaj movy z «Uładara kolcaŭ»

My zaŭsiody kažam pra toje, jak važna vałodać zamiežnymi movami. Ale kali vam niecikava vučyć niamieckuju ci hišpanskuju, Viskonsinski ŭniviersitet prapanuje kursy movy elfaŭ. Napierad za viedami!

Pole dla holfa

U holf možna nie tolki hulać, a navučacca dahladać hazon i budavać pastki ź piasku. Hetamu vučać u Tarletonskim dziaržaŭnym univiersitecie.

Sknarnaść abo žyćcio na dalar u dzień

Univiersitet Alfred vučyć svaich studentaŭ aščadžać i pieranosić ciažkija ekanamičnyja časy.

Padvodnaje placieńnie košykaŭ

Zdahadacca, dla čaho Ryd-kaledž ładzić hety kurs dla svaich studentaŭ, davoli ciažka. Ale ž jon isnuje, a značyć popyt na jaho taksama jość!

Taktyka hulni ŭ StarCraft

Mnohija ličać, što hulni – heta škoda i marnaja strata času. Ale tolki nie ŭ Kalifarnijskim univiersitecie! Tam studentaŭ navučajuć, jak pravilna hulać u StarCraft i stanavicca čempijonami.

Fiłasofija Tupaka Šakura

Heta vam nie Hiehiel i Nicše! U Vašynhtonskim univiersitecie vy možacie vyvučać hanhsta-rep Tupaka praz pryzmu estetyki.

Dziŭny śviet mylnych burbałak

Studenty Kalifarnijskaha technałahičnaha instytuta viedajuć, što sapraŭdy kruta. Burbałki – heta kruta. Tamu jany arhanizavali fakultatyŭ pa burbałkach.

Łazić pa drevach

Tolki niešmatlikija abranyja ŭśviedamlajuć važnaść chutkaha i efiektyŭnaha łažańnia pa drevach. Da hetych niešmatlikich možna adnieści i studentaŭ Karnelskaha ŭniviersiteta.

Nievynosnaja biełaść Barbi

U Zachodnim kaledžy jość fakultatyŭ, dzie padčas zaniatkaŭ vykarystoŭvajecca Barbi, kab pravodzić dyskusii ab pałavoj, rasavaj i sacyjalnaj spraviadlivaści.

Mastactva prysutnaści

Chodziać čutki, što ŭ Centralnym univiersitecie možna atrymać zalik pa hetym pradmiecie tolki za toje, što vy na jaho pryjšli:)

Jak vy mahli zaŭvažyć, univiersitetam Biełarusi jašče jość kudy imknucca ŭ aryhinalnaści i raznastajnaści pradmietaŭ.

• 0
• 0
• 0
• 0
• 0
• 0
• 0
• 0