Rasijskija vojski pačali prymianiać praktyku zaharadžalnych atradaŭ, kab siłaj prymusić bajevikoŭ iści ŭ nastup na pazicyi ŭkrainskich vajskoŭcaŭ.
Pra heta siońnia na bryfinhu ŭ Kijevie paviedamiŭ śpikier ATA Andrej Łysienka.
Jon adznačyŭ, što ŭ vyniku bajavych dziejańniaŭ pablizu nasielenych punktaŭ Papasnaja, Debalcava, Vuhlahorsk i inšych zafiksavanyja značnyja straty siarod bajevikoŭ «DNR» i «ŁNR», «kazakoŭ», rasijskich najmitaŭ i vajskoŭcaŭ, a taksama varožaj vajennaj techniki.
«Heta pryvodzić da sprobaŭ masava samavolna pakinuć imi niezakonnyja ŭzbrojenyja farmiravańni. Pavodle apieratyŭnych dadzienych, adstupleńnie bajevikoŭ ad Vuhlahorska strymlivali zaharadžalnyja atrady dyvizii ŭnutranych vojskaŭ MUS RF imia Dziaržynskaha», — adznačyŭ Łysienka.
Pavodle jaho słoŭ, rasijskija vojski siłaj zmušali bajevikoŭ viartacca na pieradavuju i praciahvać šturm.
Łysienka prainfarmavaŭ, što hety fakt paćvierdžany ź niekalkich krynic, a taksama samimi pałonnymi, jakich zachapili paśla boju.
«Takoha vypadku my jašče nie pamiatali, kab byŭ zaharadžalny atrad dla taho, kab hnać napierad ludziej, tym bolš, nakolki nam viadoma, u hetym šturmie prymali ŭdzieł desantniki z Uljanaŭskaj bryhady», — reziumavaŭ Łysienka.
Ciapier čytajuć
Ninu Bahinskuju vyzvalili biez pakarańnia, kryminalnuju spravu zakryli2
Kamientary