Biełaruskija dobraachvotniki z Ukrainy pavinšavali Biełaruś z dniom narodzinaŭ Kastusia Kalinoŭskaha VIDEA
Uzbrojenyja žaŭniery ź biełaruskaj simvolikaj zapisali videa, u jakim zhadali pra dzień narodzinaŭ Kastusia Kalinoŭskaha, paviedamiła supołka «Zhurtavańnie patryjotaŭ Biełarusi imia Kastusia Kalinoŭskaha» u aŭtorak.
U kadry bačnyja 3 bajcy, adzin ź jakich trymaje aŭtamat, druhi — snajpierskuju vintoŭku.
«Pavažanaje spadarstva, my, biełarusy, jakija zmahajucca na ŭschodzie Ukrainy poruč z ukraincami za našu i ich svabodu, chočam vam nahadać pra siońniašniuju datu. Mienavita siońnia, 2-ha lutaha, byŭ narodžany Kastuś Kalinoŭski — biełaruski zmahar-revalucyjanier, jaki zahinuŭ za našu z vami svabodu. U hety dzień my chočam pažadać vam mocnaha duchu, prahi da svabody i — Šanujcie Maci-Biełaruś! Žyvie Biełaruś! Žyvie viečna!» — kaža ŭ zvarocie adzin z žaŭnieraŭ.
Raniej paviedamlałasia, što na froncie suprać rasijskich bajevikoŭ va Ukrainie zmahajucca jak minimum dziasiatki hramadzian Biełarusi, ale jany nie ŭtvarajuć asobnaha atrada, a raskidanyja pa roznych ukrainskich častkach. Heta rezka pamianšaje ryzyku masavaj hibieli biełaruskich dobraachvotnikaŭ u vypadku, kali adbudziecca niaŭdałaja apieracyja, ci častka ŭkrainskich vojskaŭ trapić u akružeńnie.
Z toj ža pryčyny padčas Druhoj suśvietnaj vajny amierykancy staralisia nie źbirać u adnym padraździaleńni hrupu svajakoŭ ci ziemlakoŭ.
Ciapier čytajuć
Ninu Bahinskuju vyzvalili biez pakarańnia, kryminalnuju spravu zakryli2
Kamientary