Jak Łukašenka davieryŭ patrymać svaju kiepku staršyni Minskaha rajvykankama FOTA
Učora padčas naviedvańnia «Minskaj aharodninnaj fabryki» Alaksandr Łukašenka ździviŭ svaim hałaŭnym uboram. Łukašenka pryjechaŭ na fabryku ŭ strohim ciomnym kaściumie, ale ŭ biełaj kiepcy.

Cikava, što nichto z čynoŭnikaŭ nie advažaŭsia adzieć na sustreču kiepku ci biejsbołku. Z pakrytaj hałavoj byŭ tolki kiraŭnik dziaržavy.
U kiepcy Łukašenka kaštavaŭ harodninu, chadziŭ pa poli, jeździŭ na kambajnie.
Tolki padčas razmovy z dyrektara «Aharodninnaj fabryki» Uładzimiram Parčeŭskim kiepki na hałavie Łukašenki nie było. Ale addaŭ jon jaje nie achoŭnikam i nie pakłaŭ u kišeniu. Jak pakazali televizijščyki, kiepku Łukašenki ŭ hety momant trymaŭ kiraŭnik Minskaha rajvykankama Piatro Jarmaš.

Piatro Jarmaš naradziŭsia ŭ 1954 hodzie ŭ Moryna Iŭjeŭskaha rajona. Skončyŭ Hrodzienski sielskahaspadarčy instytut (1977). Ad 2007 hoda – staršynia Minskaha rajonnaha vykanaŭčaha kamiteta.
Kamientary