Ministerstva achovy zdaroŭja rekamienduje biełarusam pryščaplacca ad adru pierad turystyčnymi pajezdkami ŭ Rasiju i krainy jeŭrapiejskaha rehijonu, paviedamlajecca na sajcie Ministerstva sportu i turyzmu.
«Uličvajučy niespryjalnuju situacyju pa adry ŭ sumiežnych krainach i vysokuju aktyŭnaść turystyčnych pajezdak hramadzian Respubliki Biełaruś u krainy Jeŭrapiejskaha rehijonu, nie vyklučana vierahodnaść zavozu adru, — havorycca ŭ paviedamleńni. — Ciapier u arhanizacyjach achovy zdaroŭja Respubliki Biełaruś praduhledžana imunizacyja suprać adru dla asob, nie pryščeplenych suprać hetaj infiekcyi, i hramadzian, jakija vyjazdžajuć u krainy jeŭrapiejskaha rehijonu i Rasijskuju Fiederacyju».
Pavodle danych Suśvietnaj arhanizacyi achovy zdaroŭja, letaś u krainach Jeŭropy było zarehistravana bolš jak 8 tys. vypadkaŭ adru. Z pačatku hetaha hoda ŭ Hiermanii zarehistravana bolš za 2,2 tys. vypadkaŭ zachvorvańnia na adzior, akramia taho ŭ červieni byli zafiksavanyja ŭspyški adru ŭ Bielhii, Litvie, Polščy i Šviecyi.
U Rasii sa studzienia pa krasavik hetaha hoda było zarehistravana bolš za piaćsot vypadkaŭ zachvorvańnia na adzior u 39 z 83 subjektaŭ fiederacyi.
Za minuły hod virus adru zavoziŭsia na terytoryju Biełarusi z Rasii i Ukrainy prynamsi čatyry razy, zachvareli 64 čałavieki. Pieršy čałaviek, jaki zachvareŭ na adzior u 2014 hodzie, pracavaŭ u Sočy padčas Zimnich alimpijskich hulniaŭ. U 2013 hodzie fiksavałasia 16 vypadkaŭ zachvorvańnia, u 2012-m — 10, u 2011-m — 51, a ŭ 2010-m — adzin.
Dla abarony ad adru miedyki rekamiendujuć vakcynacyju, jakaja stvaraje nadziejny imunitet, jaki zachoŭvajecca bolš za 20 hadoŭ. U Minsku dla imunizacyi vykarystoŭvajucca kambinavanyja vakcyny, što źmiaščajuć u svaim składzie žyvyja vakcynavyja štamy virusaŭ adru, epidemičnaha paratytu i krasnuchi.
Adzior — vostraje infiekcyjnaje virusnaje zachvorvańnie, jakoje charaktaryzujecca ahulnaj intaksikacyjaj, vysokaj tempieraturaj, paškodžańniem ślizistych abałonak vačej, dychalnych šlachoŭ i supravadžajecca sypam. Krynica infiekcyi — chvory čałaviek. Kali čałaviek raniej nie chvareŭ na adzior i nie byŭ pryščepleny suprać hetaj infiekcyi, to paśla kantaktu z chvorym zaražeńnie adbyvajecca amal u 100% vypadkaŭ. Pieradača ŭzbudžalnika infiekcyi adbyvajecca pavietrana-kropielnym šlacham.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary