Na vulicach z 2016 hoda.
Kampanija Bentley, viadomaja mašynami kłasu luks, pradstaviła pieršy ŭ svajoj historyi ŭsiedarožnik Bentayga, pieradaje motor.ru. Mašynu pakažuć publicy na aŭtasałonie ŭ Frankfurcie ŭ siaredzinie vieraśnia.
Bentayga maje šaścilitrovy tvin-turba ruchavik W12, mator maje 608 konskich sił. Z nula da sotni — 4,1 siekundy, maksimalnaja chutkaść — 301 km/h. Chacia dla pakupnikoŭ moža być važnym inšaje: skurany sałon z draŭlanym dekoram ručnoj raboty, mnostva «navaročanych» opcyj.
Svaju nazvu ŭsiedarožnik atrymaŭ ad skalistaha ŭtvareńnia na vostravie Hran-Kanaryja ŭ Ispanii.
Bentayga maje aŭtamatyčnuju vaśmidyjapazonnuju skryniu pieradač, kambinavany ŭprysk paliva, vosiem režymaŭ pracy šasi, pnieŭmapadviesku z rehulavanym darožnym praśvietam i stabilizacyjaj papiaročnaj ustojlivaści. Momant kručeńnia ruchavika — 900 Nm.
Habaryty madeli — 5141 mm u daŭžyniu, 1998 u šyryniu, 1742 mm u vyšyniu, kołavaja baza — 2992 mm.
Siarod elektroniki — prajekcyjny dyspłej i sistema načnoha bačańnia, vaśmicalevy tačskryn dla kiroŭcy dy dva zdymnych 10''-płanšety dla pasažyraŭ zadnich siadzieńniaŭ. Hałaŭnyja fary śvietładyjodnyja.
Pasadačnych miescaŭ moža być čatyry ci piać. Piarednija kresły majuć 22 varyjanty rehulirovak, padahreŭ, vientylacyju i šeść režymaŭ masažu.
Cana Bentayga pakul nieviadomaja, na rynku jon źjavicca ŭ 2016 hodzie. Možna čakać, što kaštavać aŭto budzie nie mienš za 100 tysiač dalaraŭ, a to i ŭsie 200. Naprykład, šykoŭny Porsche Cayenne Turbo 2016 kaštuje ad 114,6 tysiač dalaraŭ, a BMW X6 M 2016 — ad 103 tysiač.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi31
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary