Salihorski sud aštrafavaŭ machlarak, jakija stajać z partretami chvorych dziaciej
U Salihorsku zatrymali dźviuch žančyn, jakija stajali z fejkavymi fotazdymkami chvorych dziaciej i vymańvali ŭ ludziej hrošy.
Aktyvisty supołki «Salihorskija aŭtaamatary» vyličyli padmanščyc kala adnaho z supiermarkietaŭ i źviazalisia ź milicyjaj. Pravaachoŭniki nie stali adchryščvacca ad niepryjemnaj apieracyi i skłali na padmanščyc pratakoły.
Adna z zatrymanych — Hanna Minčyk. Druhaja — Maryja Ramańkova.
«Abiedźvie žančyny asudžany pa artykule 17.1 administracyjnaha kodeksu za «Drobnaje chulihanstva, źviazanaje z prystavańniem da hramadzian». Atrymali štrafy pa 3 bazavyja vieličyni kožnaja (pa 540 tysiač rubloŭ). U dadatak da hetaha Ramańkova atrymała štraf pa artykule 10.7 za «Pryčynieńnie majomasnaj škody hramadzianinu ŭ vyniku machlarskich dziejańniaŭ — jašče dźvie bazavyja vieličyni (360 tysiač rubloŭ)», — paviedamlajuć ŭ sudzie Salihorskaha rajona.
Maryja Ramańkova — davoli viadomaja machlarka. U Minsku jana źbiraje hrošy z partretam nieisnujučaha Siarhieja Jakimionka. Niekalki miesiacaŭ tamu Jeŭraradyjo pahutaryła z hetaj padmanščycaj. Arsienał jaje mietadaŭ vymańvańnia hrošaj byŭ zafiksavany na videa.
Štrafy, jakija atrymali Ramańkova i Minčyk, minimalnyja. Adbić ich možna, «papracavaŭšy» na vulicy ŭsiaho paru hadzin.
«Za dzień jana (Maryja Ramańkova, — Jeŭraradyjo) moža zarablać kala 4 miljonaŭ. Pra heta machlarka sama kazała načalniku achovy supiermarkieta, jaki dapamahaŭ u zatrymańni. Niechta kidaje joj 20 tysiač, niechta 50. Nibyta, sumy i maleńkija, ale za dzień nabiahaje narmalna», — raspaviadaje Eduard Macukievič, udzielnik «Salihorskich aŭtaamataraŭ».
Hramadskija aktyvisty padčas zatrymańnia čuli ad milicyjanieraŭ infarmacyju, što Ramańkova pazbaŭlena baćkoŭskich pravoŭ i maje zapazyčanaść pa alimientach. Kiroŭca, jaki vaziŭ zatrymanych afierystak, apynuŭsia cyhanam z Homielskaj vobłaści.
Sioleta Jeŭraradyjo publikavała historyi minskich siamiej, jakija cierpiać ad takich padmanščykaŭ. Afierysty ŭzbrojvalisia partretami sapraŭdy isnujučych chvorych dziaciej. Fota kapijavalisia ź internetu.
Adnu z machlarak baćki maleńkaj Sašy Ivancovaj złavili za ruku prama ŭ pierachodzie mietrapalitena. Ale tuju da adkaznaści nie pryciahnuli.
Najčaściej machlary pramyšlajuć biespakarana. A zakanadaŭčyja orhany Biełarusi praktyčna nie źviartajuć uvahi na prablemu.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary