U niepryznanaj Prydniastroŭskaj Małdaŭskaj Respublicy ŭ niadzielu prajšoŭ adziny dzień hałasavańnia, dzie vybirali deputataŭ u Viarchoŭny saviet i miascovyja orhany ŭłady. Siońnia pavinny być abvieščanyja vyniki.
Staršynia CVK Alena Haradzieckaja u hutarcy z TASS adznačyła, što jaŭka pa niepryznanaj respublicy skłała 43,92%, pieravysiŭšy nieabchodny paroh u 25%.
Mižnarodnych naziralnikaŭ naściarožyŭ tolki adzin momant —praces hałasavańnia vajskoŭcaŭ, śpisy jakich byli zasakrečanyja. «Ja nikoli nie bačyŭ takoha pryncypu hałasavańnia, pry jakim vajennyja vyłučajucca ŭ asobny błok. Niemahčyma prakantralavać vykanańnie ich vybarčych pravoŭ. Ja liču, što heta samaja vialikaja prablema, jakaja moža pastavić pad pytańnie vyniki vybaraŭ na asobnych učastkach», - adznačyŭ na pres-kanfierencyi ŭ CVK estonski pravaabaronca Mikałaj Mejnert.
Asnoŭnaja baraćba na vybarach razharnułasia pamiž prychilnikami prezidenta Prydniastroŭja Jaŭhiena Šaŭčuka i najbujniejšaha ŭ rehijonie chołdynhu «Šeryf». Šaŭčuku nieabchodny łajalny parłamient, kab uzmacnić svaje pazicyi pierad prezidenckimi vybarami, tady jak dla «Šeryfa» projhryš bahaty strataj palityčnaha ŭpłyvu: raniej pradstaŭniki chołdynhu mieli bolšaść miescaŭ u parłamiencie.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary