У непрызнанай Прыднястроўскай Малдаўскай Рэспубліцы ў нядзелю прайшоў адзіны дзень галасавання, дзе выбіралі дэпутатаў у Вярхоўны савет і мясцовыя органы ўлады. Сёння павінны быць абвешчаныя вынікі.
Старшыня ЦВК Алена Гарадзецкая у гутарцы з ТАСС адзначыла, што яўка па непрызнанай рэспубліцы склала 43,92%, перавысіўшы неабходны парог у 25%.
Міжнародных назіральнікаў насцярожыў толькі адзін момант —працэс галасавання вайскоўцаў, спісы якіх былі засакрэчаныя. «Я ніколі не бачыў такога прынцыпу галасавання, пры якім ваенныя вылучаюцца ў асобны блок. Немагчыма пракантраляваць выкананне іх выбарчых правоў. Я лічу, што гэта самая вялікая праблема, якая можа паставіць пад пытанне вынікі выбараў на асобных участках», - адзначыў на прэс-канферэнцыі ў ЦВК эстонскі праваабаронца Мікалай Мэйнэрт.
Асноўная барацьба на выбарах разгарнулася паміж прыхільнікамі прэзідэнта Прыднястроўя Яўгена Шаўчука і найбуйнейшага ў рэгіёне холдынгу «Шэрыф». Шаўчуку неабходны лаяльны парламент, каб узмацніць свае пазіцыі перад прэзідэнцкімі выбарамі, тады як для «Шэрыфа» пройгрыш багаты стратай палітычнага ўплыву: раней прадстаўнікі холдынгу мелі большасць месцаў у парламенце.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве13
Каментары