U Breście 29 studzienia kala raki Muchaviec, z boku Varšaŭskaj šašy była znojdziena miortvaja žančyna. Žudasnuju znachodku zrabiŭ sabakavod, padčas prahułki sa svaim hadavancam.
Mužčyna patelefanavaŭ u milicyju apoŭdni i paviedamiŭ, što jaho sabaka znajšoŭ reštki palcaŭ čałavieka.
Na vyklik była nakiravana śledčaja hrupa, jakaja paśla praciahłych pošukaŭ, sumiesna z sałdatami ŭnutranych vojskaŭ vyjaviła cieła žančyny, skavanaje lodam. Trup znachodziŭsia ŭ bierahavych zaraśnikach. Frahmienty cieła, jakija vystupali ź lodu, byli pakusanyja. Vierahodnaje, žyvioły raźnieśli častki ruki na dalokuju adlehłaść ad cieła.
Dla vyśviatleńnia dakładnych abstavinaŭ śmierci i vyznačeńnia jaje asoby pryznačany šerah ekśpiertyz. Śledčyja i kryminalisty pravodziać nieabchodnyja dziejańni, ale kryminalnaha podčyrka śmierci pakul na ciele nie vyjaŭlena.
Paviedamlajecca, što adzieńnie na ciele supadaje z adzieńniem źnikłaj bolš za miesiac tamu nastaŭnicy z Bresta, jakoj było 38 hadoŭ.
Paźniej, znojdzienaje cieła apaznaŭ muž zahinułaj. Na ciele vyjaŭlenyja taksama juvielirnyja vyraby, jakija ŭskosna mohuć admaŭlać viersiju zabojstva ź niejkaj metaj.
Śledčyja jašče vykazvajuć imaviernaść samahubstva.
Hetak ža nie jasna, jak zahinułaja mahła zastavacca niaznojdzienaj u miescy, pa jakim štodnia chodziać rybaki.
Ciapier čytajuć
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty4
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary