Bolš za pałovu rasijan (56%) hatovyja padzialicca svaimi dachodami z krainaj u vypadku vajny, śviedčać dadzienyja apytańnia UCDHM.
Amal 39% rasijan hatovyja pieradać čverć svaich dachodaŭ u pazyku dziaržavie, jašče 17% apytanych addali b na vajennyja patreby mienš za čverć zaroblenaha.
31% respandentaŭ nie hatovyja dzialicca svaimi prybytkami ź dziaržavaj, navat kali Rasija ŭstupić u vajnu.
65% apytanych padtrymali b rašeńnie svaich blizkich pajści na vajnu ŭ vypadku nieabchodnaści. Ź ich 49% paraili b svajakam adpravicca prosta na liniju frontu, 16% nastojvali b na tym, kab svajak išoŭ u tyłavyja častki, dalej ad frontu. Nie iści ŭ vajenkamat svaim blizkim paraili b tolki 15% rasijan.
U cełym ža ŭzrovień patryjatyzmu, acenieny sacyjołahami, źniziŭsia na 10 punktaŭ z vosieni 2014 hoda, kali hety pakazčyk byŭ na ŭzroŭni 72 punkta. Patryjotami siabie nazyvajuć 80% rasijan, ź ich 46% — «biezumoŭna», jašče 34% skazali, što «chutčej, adčuvajuć siabie patryjotami». U adsutnaści patryjatyčnych pačućciaŭ pryznalisia 18% respandentaŭ.
U cełym, jak adznačajuć daśledčyki, «emacyjny fon u dačynieńni da krainy ŭ apošnija niekalki hadoŭ staŭ bolš pazityŭnym». Bolšaść apytanych adčuvajuć stanoŭčyja pačućci ŭ adnosinach da Rasii: dla 36% respandentaŭ pieravažnaje pačućcio ŭ adnosinach da krainy — nadzieja, dla 32% — pavaha i dla 24% — luboŭ. Pieravažna zachapleńnie ŭ adnosinach da krainy adčuvajuć tolki 9%.
U studzieni stała viadoma, što rasijskija ŭłady ŭ bližejšyja piać hadoŭ majuć namier vydatkavać bolš za 1,6 młrd rubloŭ na patryjatyčnaje vychavańnie nasielnictva. 1,57 rubloŭ praduhledžana na hetyja mety ź dziaržbiudžetu.
U ramkach pryniataj uradam prahramy pad nazvaj «Patryjatyčnaje vychavańnie hramadzian RF na 2016-2020 hady» ŭłady majuć namier pryščapić nasielnictvu pačućcio viernaści Ajčynie i hatoŭnaść abaraniać intaresy Radzimy.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii31
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary