Viciebščyna: U Navapołacku karanavirus u 13 miedykaŭ, u Oršy 82 chvorych — aficyjnaja statystyka
U Navapołacku karanavirusam zarazilisia 13 miedykaŭ, zachvorvańnie ŭ ich praciakaje ŭ lohkaj formie, paviedamlajuć Narodnyja naviny Viciebska.
U navapołackaj balnicy ŭžo 28 pacyjentaŭ z karanavirusnaj infiekcyj. Takim čynam, za minułyja sutki kolkaść vypadkaŭ COVID-19 pavialičyłasia jak minimum na adzin, a ahulnaja ich kolkaść dasiahnuła 35.
Usiaho ŭ balnicy znachodzicca 65 pacyjentaŭ ź pnieŭmanijami, ź ich 14 — karanavirusnyja. 3 pacyjenty z karanavirusnaj infiekcyj znachodziacca ŭ reanimacyi, ale pakul što im nie patrabujecca ŠVŁ, pra heta paviedamili na pasiadžeńni haradskoha štaba pa supraćdziejańni COVID-19 u Navapołacku.
Taksama ŭ vypusku navin miascovaha telekanała «Źviazda» prahučała infarmacyja pra toje, što siarod tych, chto zaraziŭsia karanavirusam — 13 miedycynskich rabotnikaŭ, ale ŭ ich zachvorvańnie praciakaje ŭ lohkaj formie.
U Aršanskim rajonie, pa źviestkach zanalnaha centra hihijeny i epidemijałohii, na siońnia ŭžo zarehistravana 82 vypadki karanavirusnaj infiekcyi. Pakul vyzdaravieli tolki 5 čałaviek.
Hałoŭny lekar Lepielskaj centralnaj rajonnaj balnicy Illa Šandalesaŭ paviedamiŭ haziecie «Lepielski kraj», što kolkaść tych, chto zaraziŭsia karanavirusam, dasiahnuła 11čałaviek, takim čynam, za apošnija dziesiać dzion tut vyjaŭlena 7 novych vypadkaŭ.
U Miorskim rajonie kolkaść tych, chto zachvareŭ, pavialičyłasia da dvuch. Za siem dzion tut zarehistravany adzin novy vypadak. Taksama ŭ rajonie 20 chvorych ź pnieŭmanijami.
Pra toje, što kolkaść tych, chto zachvareŭ, zastałasia na raniejšym uzroŭni — 4 čałavieki — paviedamiŭ Vierchniadźvinski rajon. Na pnieŭmaniju tut chvarejuć 16 čałaviek, adzin ź jakich znachodzicca na štučnaj vientylacyi lohkich.
U Biešankovickim rajonie kolkaść zaražanych karanavirusam zastajecca raniejšaj — 30 čałaviek, kolkaść pacyjentaŭ ź pnieŭmanijaj źmienšyłasia da 62 čałaviek, paviedamlaje miascovy rajvykankam.
Tałačynski rajon zastajecca čystym ad karanavirusnaj infiekcyi, infarmacyja pra heta apublikavana ŭ haziecie «Naša Tałačynščyna».
Rajonnaja hazieta Pastaŭskaha rajona prybrała z hałoŭnaj staronki hrafičny banier, u jakim apošnija dni paviedamlała pra kolkaść vypadkaŭ COVID-19. Nijakaj inšaj infarmacyi vydańnie nie raźmiaściła.
-
MARH dałučyła da pahadnieńnia ab prasoŭvańni biełaruskich tavaraŭ novych bujnych hulcoŭ. Siarod ich — uładalnik «Tabakierak»
-
«Drahičynskaje mora»: u horadzie padtapiła miescy, dzie raniej nie prybrali śnieh
-
Biełarusam, jakija siadziać na chatniaj chimii za palityku, prapanujuć palohku — pierajści na papraŭčyja raboty
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi31
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary