Sprava źbitaha nad Danbasam «Boinha»: śledstva całkam abvierhła viersiju ab datyčnaści ŭkraincaŭ
Na sudzie ŭ spravie ab katastrofie «Boinha» Małajzijskich avijalinij nad Danbasam 17 lipienia 2014 hoda, jaki prachodzić u Niderłandach, bok abvinavačvańnia praciahnuŭ pryvodzić svaje dokazy, piša Radyjo Svaboda.
Abvinavačvańnie razabrała, čamu śledstva adprečyła roznyja teoryi ab katastrofie, jakija padtrymlivali u tym liku aficyjnyja pradstaŭniki Rasii. Havorka, u pryvatnaści, ab śćviardžeńniach, što «Boinh» moh być źbity ukrainskimi vajskoŭcami. Śledstva praanalizavała źviestki radaraŭ: nivodzin ukrainski radar u zonie katastrofy ŭ momant jaje nie pracavaŭ.
Abvinavačvańnie znajšło čałavieka, jaki vydavaŭ siabie za «ispanskaha dyśpietčara Karłasa», jaki nibyta paviedamiŭ pra ŭkrainskija samaloty pobač z «Boinham». Jon pryznaŭsia, što nie pracuje dyśpietčaram, a za chłuśniu jamu zapłacili.
Dadzienych vajskovych radaraŭ Rasija śledčaj hrupie nie pieradała, rasijski bok taksama paviedamiŭ, što spadarožnikavyja zdymki taksama nie zachavalisia. Śledstva taksama adchiliła vykazanuju rasijskim kancernam «Ałmaz-Antej» viersiju pra toje, što «Boinh» moh być źbity z terytoryi, kantralavanaj Ukrainaj.
Abvinavačvańnie taksama raskazała pra vysnovy śledstva ab pieramiaščeńni ŭstanoŭki «Buk», ź jakoj mierkavana byŭ źbity «Boinh», z Rasii ŭ rajon Śniežnaha na terytoryi, padkantrolnaj prarasijskim sieparatystam, i nazad u Rasiju. Prynamsi dvoje śviedak raskazali, što bačyli pusk rakiety 17 lipienia.
Abvinavačańni ŭ katastrofie zavočna pradjavili trom hramadzianam Rasii i adnamu hramadzianinu Ukrainy, jakija ŭdzielničali ŭ bajavych dziejańniach suprać ukrainskich vojskaŭ na Danbasie ŭ 2014 hodzie. Nivodzin ź ich na sudzie nie prysutničaje. Pavodle śledstva, u spravie mohuć źjavicca i inšyja abvinavačanyja, u tym liku źviazanyja z rasijskimi Uzbrojenymi siłami.
Pry katastrofie «Boinha» zahinuli ŭsie 298 čałaviek, jakija byli na borcie.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk16
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary