Susiedka «zdała» susieda za bieł-čyrvona-bieły ściah, a toj paskardziŭsia ŭ milicyju na čyrvona-zialony
Hrupa chakieraŭ źliła ŭ internet źviestki ab zvankach u dyśpietčarskuju słužbu milicyi, jakija pastupali ŭ pieryjad aktyŭnaha vuličnaha vykazvańnia biełarusaŭ suprać hvałtu, chłuśni i falsifikacyj. Siarod ich traplajucca časam zusim niečakanyja historyi.
«Naša Niva» źviarnuła ŭvahu na historyju, jakaja adbyłasia ŭ Mahilovie z Uładzimiram Š. Spačatku susiedka paviedamiła ŭ milicyju, što jon nibyta vyviesiŭ bieła-čyrvona-bieły ściah u siabie ŭ aknie, a potym nibyta jon paskardziŭsia na toje, što ŭbačyŭ mašynu ź bieła-čyrvona-biełym ściaham. Jak takoje moža być? My dazvanilisia mužčynie. Jon staŭ admaŭlać, što vyviešvaŭ ściah, ale pryznaŭ, što «byŭ pakarany» za jaho.
«Mianie pakarali nibyta za toje, što ja vyviesiŭ ściah, ale nichto ŭ mianie ŭ rukach jaho nie bačyŭ, nibyta heta było na darozie. Ale ź inšaha boku, nu, moža susiedzi źvierchu spuskali i jon visieŭ na ŭzroŭni majho akna? Dy choć trusy vyviešu — što z taho?» — skazaŭ jon.
Ale cikavy momant ź jahonym zvankom: mužčyna śćviardžaje, što jon zvaniŭ skardzicca na mašynu z čyrvona-zialonym ściaham, pry kancy žniŭnia 2020-ha.
«Jechała pobač «Reno», adtul vysunuty ściah biełaruski, razmachvajuć nad prajeznaj častkaj, ledź nie źbili mnie lusterka ŭ mašynie, ja tak zły byŭ, što avaryjnaja situacyja składajecca, što pazvaniŭ u 112, ale ściah byŭ čyrvona-zialony», — skazaŭ jon i dadaŭ, što na mašyny ź bieła-čyrvona-biełymi ściahami nie skardziŭsia, imavierna, dyśpietčar prosta zapisaŭ, jak zrazumieŭ, što «biełaruski ściah» — heta bieła-čyrvona-bieły.
Mužčyna dadaje, što nie maje niehatyvu da nacyjanalnaj simvoliki, ale i da čyrvona-zialonaj taksama.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary